ಜ.25: ಕುಂದಾಪುರದಲ್ಲಿ ‘ತ್ರಿಮಧುರ-2026’

ಕುಂದಾಪುರ: ಕಳೆದ 17 ವರ್ಷಗಳಿಂದ ಕುಂದಾಪುರದಲ್ಲಿ ಸಾಂಸ್ಕೃತಿಕ ರಾಯಭಾರಿಯಾಗಿ ಕಾರ್ಯಾಚರಿಸುತ್ತಿರುವ ಸಾಧನ ಕಲಾಸಂಗಮ ಮತ್ತು ಅಪ್ರಮೇಯ ಸಂಸ್ಥೆ ಹಮ್ಮಿಕೊಂಡಿರುವ “ತ್ರಿಮಧುರ-2026” ಕಾರ್ಯಕ್ರಮವು ಕುಂದಾಪುರದ ಬೋರ್ಡ್ ಹೈಸ್ಕೂಲ್ ಆವರಣದಲ್ಲಿರುವ ರೋಟರಿ ಲಕ್ಷ್ಮೀನರಸಿಂಹ ಕಲಾಮಂದಿರದಲ್ಲಿ ಜನವರಿ 25 ರ ಭಾನುವಾರ ಸಂಜೆ 3.30ಕ್ಕೆ ನಡೆಯಲಿದೆ.

ಕಾರ್ಯಕ್ರಮವನ್ನು ವೇ.ಮೂ.ರಾಮಪ್ರಸಾದ್ ಅಡಿಗ ಗರಿಕೆಮಠ ಉದ್ಘಾಟಿಸಲಿದ್ದಾರೆ. ಕೋಟದ ಗೀತಾನಂದ ಫೌಂಡೇಶನ್ ಪ್ರವರ್ತಕರಾದ ಆನಂದ ಸಿ.ಕುಂದರ್ ಮುಖ್ಯ ಅತಿಥಿಯಾಗಿ ಭಾಗವಹಿಸಲಿದ್ದಾರೆ.

ಮೊದಲ ಹೆಜ್ಜೆ ವಯಲಿನ್ ವಾದನದಲ್ಲಿ ಧನಶ್ರೀ ಶಭರಾಯ, ಮಂಗಳೂರು, ಮೃದಂಗದಲ್ಲಿ ವಿ|ಬಾಲಚಂದ್ರ ಆಚಾರ್ಯ ಮಣಿಪಾಲ ಭಾಗವಹಿಸಲಿದ್ದಾರೆ. ದ್ವಿತೀಯ ಹೆಜ್ಜೆ ಕರ್ನಾಟಕ ಶಾಸ್ತ್ರೀಯ ಸಂಗೀತದಲ್ಲಿ ಶ್ರೀಮತಿ ಮಾಲಿನಿ ರಮೇಶ ಮತ್ತು ಶ್ರಾವ್ಯ, ಮೃದಂಗದಲ್ಲಿ ಮೃದಂಗದಲ್ಲಿ ವಿ|ಬಾಲಚಂದ್ರ ಆಚಾರ್ಯ ಮಣಿಪಾಲ, ವಯಲಿನ್ ನಲ್ಲಿ ಧನಶ್ರೀ ಶಭರಾಯ ಸಹಕರಿಸಲಿದ್ದಾರೆ. ತೃತೀಯ ಹೆಜ್ಜೆ ಬಾನ್ಸುರಿ ವಾದನದಲ್ಲಿ ಸುಧೀರ್ ಹೆಗಡೆ ಕುಮಟಾ, ತಬಲದಲ್ಲಿ ವಿ|ನಿತಿನ್ ಹೆಗಡೆ ಸಿದ್ಧಾಪುರ ಸಹಕರಿಸಲಿದ್ದಾರೆ ಎಂದು ಉಭಯ ಸಂಸ್ಥೆಗಳ ವಿಶ್ವಸ್ಥ ನಾರಾಯಣ ಐತಾಳ್ ತಿಳಿಸಿದ್ದಾರೆ.