ಎ. 6: ಕಜ್ಕೆ ಶ್ರೀ ಅನ್ನಪೂರ್ಣೆಶ್ವರಿ ದೇವಸ್ಥಾನದಲ್ಲಿ ಧೃಡ ಕಲಶ ಹಾಗೂ ಮಂಡಲ ಪೂಜಾ ಮಹೋತ್ಸವ

ಬ್ರಹ್ಮಾವರ: ಕಜ್ಕೆ ಶ್ರೀ ಅನ್ನಪೂರ್ಣೆಶ್ವರಿ ದೇವಿಯ ಪ್ರತಿಷ್ಠೆ,ದೇವಸ್ಥಾನದ ಲೋಕಾರ್ಪಣೆ, ಮಹಾ ಕುಂಭಾಭಿಷೇಕದ 48ನೇ ದಿನದಲ್ಲಿ ನಡೆಯುವ ಧೃಡ ಕಲಶ ಹಾಗೂ ಮಂಡಲ ಪೂಜಾ ಮಹೋತ್ಸವವು ಎಪ್ರಿಲ್ 6 ರಂದು ಶನಿವಾರ ವಿವಿಧ ಧಾರ್ಮಿಕ ಕಾರ್ಯಕ್ರಮಗಳೊಂದಿಗೆ ಜರುಗಲಿದೆ.

ಶ್ರೀ ವಿಶ್ವಕರ್ಮ ಜಗದ್ಗುರು ಪೀಠ ಅರೇಮಾದನಹಳ್ಳಿ ಮಹಾಸಂಸ್ಥಾನ ಮಠದ ಪೀಠಾಧಿಪತಿಗಳಾದ ಶ್ರೀ ಶಿವಸುಜ್ಞಾನ ತೀರ್ಥ ಮಹಾಸ್ವಾಮೀಜಿಯವರು ನೇತೃತ್ವ ವಹಿಸಿ ಆಶೀರ್ವಚನ ನೀಡುವರು.

ಬೆಳಿಗ್ಗೆ ಚಂಡಿಕಾಯಾಗ ಮತ್ತು ನಾನಾ ಪೂಜಾ ಕಾರ್ಯಕ್ರಮ ಜರುಗಲಿದ್ದು ಶ್ರೀಮಠ ಮತ್ತು ಕಜ್ಕೆ ಶ್ರೀ ಅನ್ನಪೂರ್ಣೆಶ್ವರಿ ದೇವಸ್ಥಾನದ ಭಕ್ತರು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸುವಂತೆ ದೇವಸ್ಥಾನ ನಿರ್ಮಾಣಸಮಿತಿ ಮತ್ತು ಮಹಾಕುಂಭಾಭಿಷೇಕ ಸಮಿತಿ ತಿಳಿಸಿದೆ.