ಸೈಂಟ್ ಫಿಲಿಪ್ ನೇರಿ ಸೆಂಟ್ರಲ್ ಸ್ಕೂಲ್, ಬಸ್ರೂರು: ವಿದ್ಯಾರ್ಥಿ ಸಂಸತ್ ಪದಗ್ರಹಣ: ಶಾಲೆಯ ವಿವಿಧ ಸಂಘಗಳ ಉದ್ಘಾಟನೆ

ಬಸ್ರೂರು: ಸೈಂಟ್ ಫಿಲಿಪ್ ನೇರಿ ಸೆಂಟ್ರಲ್ ಸ್ಕೂಲ್, ಬಸ್ರೂರು ಇಲ್ಲಿ ವಿದ್ಯಾರ್ಥಿ ಸಂಸತ್ ಪದಗ್ರಹಣ ಹಾಗೂ ಶಾಲೆಯ ವಿವಿಧ ಸಂಘಗಳ ಉದ್ಘಾಟನೆ ಇತ್ತೀಚೆಗೆ ನಡೆಯಿತು.

ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ವಹಿಸಿದ ಸಂಸ್ಥೆಯ ಜಂಟಿ ಕಾರ್ಯದರ್ಶಿ ವಂದನೀಯ ಧರ್ಮಗುರುಗಳಾದ ಫಾದರ್ ರಾಯ್ ಲೋಬೋ ವಹಿಸಿದ್ದರು.

ಸೈಂಟ್ ಮೇರಿಸ್ ಇನ್ಸ್ಟಿಟ್ಯೂಷಶನ್, ಕುಂದಾಪುರ ಇದರ ಪ್ರಾಂಶುಪಾಲರಾದ ವಂದನೀಯ ಧರ್ಮಗುರು ರಾಲ್ ವಿನ್ ಫರ್ನಾಂಡಿಸ್ ಹಾಗೂ ಶಾಲಾ ಪ್ರಾಂಶುಪಾಲರಾದ ಡ್ಯಾನ್ಸಿ ಸುನಿಲ್ ಮಾರ್ಟಿಸ್ ಉಪಸ್ಥಿತರಿದ್ದರು.

ವಿದ್ಯಾರ್ಥಿ ಪ್ರೇಕ್ಷ, ಅಬ್ದುಲ್ ಅಹಾದ್ ಕಾರ್ಯಕ್ರಮ ನಿರ್ವಹಿಸಿದರು. ಸಹ ಶಿಕ್ಷಕಿ ಶಾಂತಿ ಪ್ರಮೀಳಾ ಸ್ವಾಗತಿಸಿದರು. ಕಾರ್ಯಕ್ರಮದ ಸಾಮೂಹಿಕ ಸಂಕೇತವಾದ ಚಿಟ್ಟೆಯಂತೆ ಕಲಿಕೆಯಲ್ಲಿ ನಿರಂತರತೆ ಇರಲಿ, ಆತ್ಮವಿಶ್ವಾಸದ ಬದಲಾವಣೆ ಸ್ವೀಕರಿಸಿ ನಿಮ್ಮ ಪ್ರತಿಭೆ ಮತ್ತು ಕನಸುಗಳಿಗೆ ರೆಕ್ಕೆಯನ್ನು ನೀಡಿ ಎನ್ನುವ ಸಂದೇಶದೊಂದಿಗೆ ಉದ್ಘಾಟನೆಗೊಂಡಿತು.

ನಾಯಕತ್ವವು ಅಧಿಕಾರವಲ್ಲ ಅದು ಜವಾಬ್ದಾರಿಯಾಗಿದೆ. ಎಂದು ವಂದನೀಯಧರ್ಮ ಗುರುಗಳು ರಾಲ್ವಿನ್ ಫರ್ನಾಂಡಿಸ್ ವಿದ್ಯಾರ್ಥಿಗಳಿಗೆ ನಾಯಕತ್ವ, ಶಿಸ್ತು ಮತ್ತು ಸೇವಾ ಮನೋಭಾವದ ಮಹತ್ವವನ್ನು ಹೊಂದಬೇಕೆಂದು ತಿಳಿಸಿದರು.

ಕಾರ್ಯಕ್ರಮದ ಸಂಯೋಜಕರಾದ ಫರ ಮತ್ತು, ಸುಜಾತ ಹಾಗೂ ಶಾಲಾ ಆಡಳಿತ ಮಂಡಳಿ, ಶಿಕ್ಷಕ , ಶಿಕ್ಷಕಿಯರು ಪೋಷಕರು ಮತ್ತು ಮಕ್ಕಳು ಉಪಸ್ಥಿತರಿದ್ದರು.