ಜೆಸಿಐ ಹಾಲಾಡಿ ಘಟಕಕ್ಕೆ ವಲಯ ಉಪಾಧ್ಯಕ್ಷರ ಭೇಟಿ ಮತ್ತು ವಿಶೇಷ ಸಭೆ

ಹಾಲಾಡಿ ಜೆಸಿಐ ಘಟಕದ ಸಾಮಾನ್ಯ ಸಭೆಯು ಮಾರ್ಚ್ 25 ರಂದು ಸಂಜೆ 7.30 ಕ್ಕೆ ಶಂಕರನಾರಾಯಣ ಹಾಲು ಡೈರಿ ಭವನದಲ್ಲಿ ನಡೆಯಿತು..

ಜೆಸಿಐ ಶಾಂಭವಿ ವಲಯದ ಉಪಾಧ್ಯಕ್ಷರಾದ ಜೆಎಫ್‌ಎಂ ಪ್ರದೀಪ್ ಶೆಟ್ಟಿ ಭಾಗವಹಿಸಿ ಜೇಸಿ ಕಾರ್ಯಕ್ರಮಗಳ ಬಗ್ಗೆ ಮಾಹಿತಿ ನೀಡಿದರು.

ಮುಂಬರುವ ವಲಯ ಕಾರ್ಯಕ್ರಮಗಳು, ವಿವಿಧ ಚಟುವಟಿಕೆಗಳಲ್ಲಿ ಸದಸ್ಯರ ಪಾಲ್ಗೊಳ್ಳುವಿಕೆ, ಮಿಷನ್ ಒನ್ ಲಕ್ಷದ ಕುರಿತು ನವೀಕರಣಗಳು, ಮಾರ್ಚ್ 28 ರಂದು ನಿಗದಿಪಡಿಸಲಾದ ಸಿಎಪಿಪಿಗಾಗಿ ನೋಂದಣಿಗಳು, ಏಪ್ರಿಲ್ 4ರಂದು ನಡೆಯುವ ಕಡಲೋತ್ಸವ ಸಿದ್ಧತೆಗಳ ಬಗ್ಗೆ ಚರ್ಚೆ ನಡೆಸಲಾಯಿತು.
ಹಾಲಾಡಿ ಜೆಸಿಐ ಅಧ್ಯಕ್ಷರಾದ ಜೆಸಿ ಪ್ರದೀಪ ಹಾಲಾಡಿ ಅಧ್ಯಕ್ಷತೆ ವಹಿಸಿದ್ದರು. ಶಂಕರನಾರಾಯಣ ಘಟಕದ ನಿಕಟಪೂರ್ವ ಅಧ್ಯಕ್ಷರಾದ ಜೆಸಿ ಪ್ರವೀಣ ಬಾಳೆಕೊಡ್ಲು, ಕಾರ್ಯದರ್ಶಿ ಅಶೋಕ್ ಆಚಾರ್ಯ ಲೇಡಿ ಜೇಸಿ ಅಧ್ಯಕ್ಷೆ ಅವಶ್ಯ ಶೆಟ್ಟಿ, ಕಾರ್ಯಕ್ರಮ ನಿರ್ದೇಶಕರಾದ ಗುರುಪ್ರಸಾದ ಶೆಟ್ಟಿ, ಮತ್ತು ಪದಾಧಿಕಾರಿಗಳು ಮತ್ತು ಸದಸ್ಯರು ಕಾರ್ಯಕ್ರಮದಲ್ಲಿ ಉಪಸ್ಥಿತರಿದ್ದರು.