ಬೆಂಗಳೂರಿನಲ್ಲಿ ಕಲಾವಿದ ನಂದೀಶ ಜನ್ನಾಡಿಗೆ ಸನ್ಮಾನ

ಬೆಂಗಳೂರು ರವೀಂದ್ರ ಕಲಾ ಕ್ಷೇತ್ರದಲ್ಲಿ ಜು.15ರಂದು ಮಹಿಷಾಸುರ ಖ್ಯಾತಿಯ ನಂದೀಶ ಜನ್ನಾಡಿ ಹಾಗು ಎಮ್.ಪಿ ಬೆಳ್ಳಾಡಿ ಸಂಯೋಜನೆಯ ಪೆರ್ಡೂರು ಮೇಳ ಹಾಗೂ ಅತಿಥಿ ಕಲಾವಿದರ ಕೂಡುವಿಕೆಯ ಯಕ್ಷಗಾನ ಪ್ರದರ್ಶನದಲ್ಲಿ ಅಭಿಮಾನಿಗಳಿಂದ ನಂದೀಶ್ ಜನ್ನಾಡಿಯವರನ್ನು ಸನ್ಮಾನಿಸಲಾಯಿತು.

ಈ ಸಂದರ್ಭದಲ್ಲಿ ಭಾಗವತ ಯಕ್ಷಧ್ರುವ ಸತೀಶ್ ಶೆಟ್ಟಿ ಪಟ್ಲ, ರಾಘವೇಂದ್ರ ಆಚಾರ್ ಜನ್ಸಾಲೆ, ಯಕ್ಷ ಚಿಂತಕ ದೀಪಕ್ ಕುಮಾರ್ ಶೆಟ್ಟಿ ಬಾರ್ಕೂರು, ಡಾ.ಅಶೋಕ್ ಕುಮಾರ್ ಶೆಟ್ಟಿ ಬೆಳ್ಳಾಡಿ, ಅಮರನಾಥ ಶೆಟ್ಟಿ ಮಂದರ್ತಿ, ಮಹಾಬಲ ಮೊಗವೀರ, ಮಂಜುನಾಥ ಪೂಜಾರಿ ಬೆಳ್ಳಾಡಿ ಉಪಸ್ಥಿತರಿದ್ದರು. ಕೆ.ಎಂ.ಶೇಖರ್ ಕಾರ್ಯಕ್ರಮ ನಿರ್ವಹಿಸಿದರು.