ಬಾರ್ಕೂರು ಶ್ರೀಮತಿ ರುಕ್ಮಿಣಿ ಶೆಡ್ತಿ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನಲ್ಲಿ ಕುಂದಾಪ್ರ ಕನ್ನಡ ದಿನಾಚರಣೆ

ಬಾರ್ಕೂರು: ಶ್ರೀಮತಿ ರುಕ್ಮಿಣಿ ಶೆಡ್ತಿ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜುವಿನಲ್ಲಿ ಆ.2 ರಂದು ಕನ್ನಡ ವಿಭಾಗ, IQAC, ಎನ್.ಎಸ್.ಎಸ್ ಮತ್ತು ಇತಿಹಾಸ ವಿಭಾಗದ ಸಹಯೋಗದಲ್ಲಿ ವಿಶ್ವ ಕುಂದಾಪ್ರ ಕನ್ನಡ ದಿನ ಆಚರಿಸಲಾಯಿತು.

ಪ್ರಾಂಶುಪಾಲರಾದ ಶಿವಕುಮಾರ.ಬಿ.ಯಸ್ ಅಧ್ಯಕ್ಷತೆ ವಹಿಸಿದ್ದರು. ಕುಂದಾಪ್ರ ಕನ್ನಡದ ರಾಯಭಾರಿ ಮನು ಹಂದಾಡಿ ಯವರು ಮತ್ತು ಕಲಾ ಚಿಗುರು ತಂಡದ ಮುಖ್ಯಸ್ಥರಾದ ಚೇತನ್ ನೈಲಾಡಿ ಮುಖ್ಯ ಅತಿಥಿಗಳಾಗಿದ್ದರು.

ಸೃಜನ್ ಮತ್ತು ಶ್ರೀಧರ್ ತಂಡದವರು ನಾಸಿಕ್ ಡೋಲ್ ಭಾರಿಸಿ ಅತಿಥಿಗಳನ್ನು ಸ್ವಾಗತಿಸಿದರು. ಭಾರ್ಗವಿ ಮತ್ತು ತಂಡದವರು ಪ್ರಾರ್ಥನೆ ಮಾಡಿ ದರು. ಕನ್ನಡ ವಿಭಾಗದ ಬೋಧಕರಾದ ಚರಿತ ಸ್ವಾಗತಿಸಿದರು. ಕನ್ನಡ ವಿಭಾಗದ ಮುಖ್ಯಸ್ಥರಾದ ಮಮತಾ ಮಧು ಕನ್ನಡದ ವಿಶಿಷ್ಟತೆಯನ್ನು ತಿಳಿಸಿದರು.

ಇತಿಹಾಸ ವಿಭಾಗದ ಮುಖ್ಯಸ್ಥರಾದ ಅರುಣ್ ಕುಮಾರ್.ಹೆಚ್.ಆರ್ ರವರು ನಾಡು ನುಡಿ ರಕ್ಷಣೆಗೆ ಪಣತೊಡಬೇಕೆಂದು ವಿದ್ಯಾರ್ಥಿಗಳಿಗೆ ಕರೆ ನೀಡಿದರು. ಕನ್ನಡ ವಿಭಾಗದ ಬೋಧಕರಾದ ಭಾರತಿ ವಂದಿಸಿದರು.

ಕಾರ್ಯಕ್ರಮದಲ್ಲಿ IQAC ಮುಖ್ಯಸ್ಥರಾದ ವಿದ್ಯಾ, ಗ್ರಂಥ ಪಾಲಕರಾದ ಹರೀಶ್, ಬೋಧಕ ಬೋಧಕೇತರ ಸಿಬ್ಬಂದಿ ಮತ್ತು ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು.