ಬಿಲ್ಲವ ಸೇವಾ ಸಂಘ ಕುಂದಾಪುರ ಮುಂಬಯಿ: ಮಾಜಿ ಆಧ್ಯಕ್ಷ ಬಿ. ಪಿ. ಪೂಜಾರಿಯವರಿಗೆ ನುಡಿ-ನಮನ

ಮುಂಬೈ: ಬಿಲ್ಲವ ಸೇವಾ ಸಂಘ ಕುಂದಾಪುರ (ರಿ) ಮುಂಬಯಿ ಇದರ ಮಾಜಿ ಅಧ್ಯಕ್ಷರಾದ ಬಿ. ಪಿ. ಪೂಜಾರಿಯವರು ಡಿ. 15 ರಂದು ವಿಧಿವಶರಾಗಿದ್ದು, ಸಂಘವು ಅಗಲಿದ ದಿವ್ಯಾತ್ಮಕ್ಕೆ ನುಡಿ ನಮನದ ಶ್ರದ್ದಾಂಜಲಿ ಸಭೆಯನ್ನು ಜ.26 ಥಾಣೆ ಪಶ್ಚಿಮದಲ್ಲಿರುವ ರೋಟರಿ ಕ್ಲಬ್ ಸಭಾಗೃಹದಲ್ಲಿ ಆಯೋಜಿಸಲಾಗಿತ್ತು.

ಸಂಘದ ಅಧ್ಯಕ್ಷ ಸೂರ್ಯ ಎಸ್. ಪೂಜಾರಿ ಮಾತನಾಡಿ, ಅಗಲಿದ ಬಿ, ಪಿ, ಪೂಜಾರಿಯವರು ನೇರ ನಡೆ ನುಡಿಯ ನಿಷ್ಠುರವಾದಿಯಾಗಿದ್ದರು ಮಹಾನಗರದ ಹಲವಾರು ಸಂಘಟನೆಯ ಮೂಲಕ ಸಮಾಜಸೇವೆಗೈದ ಅವರು ನಮ್ಮ ಸಂಘದ ಅಧ್ಯಕ್ಷರಾಗಿ ಸಂಘಟನೆಯ ಬಲವರ್ಧನೆಗಾಗಿ ಶ್ರಮಿಸಿದ್ದರು ಧೀಮಂತ ವ್ಯಕ್ತಿತ್ವದ ಅವರನ್ನು ಕಳೆದುಕೊಂಡಿರುವುದು ನಮ್ಮ ಸಂಘಕ್ಕೆ ಮತ್ತು ಸಮುದಾಯಕ್ಕೆ ತುಂಬಲಾರದ ನಷ್ಟ ಎಂದರು.

ಕುಟುಂಬದವರ ಪರವಾಗಿ ಭಾಸ್ಕರ ಕೆ. ಪೂಜಾರಿ ಮತ್ತು ರಾಜು ಪೂಜಾರಿ ನುಡಿನಮನ ಸಲ್ಲಿಸಿದರು. ಸಂಘದ ಉಪಾಧ್ಯಕ್ಷರುಗಳಾದ ನರಸಿಂಹ ಎಮ್. ಬಿಲ್ಲವ ಮತ್ತು ಎಸ್. ಕೆ, ಪೂಜಾರಿ ಅವರ ಜೊತೆಗಿರುವ ಒಡನಾಟವನ್ನು ಮೆಲಕು ಹಾಕಿ ಶ್ರದ್ದಾಂಜಲಿ ಸಲ್ಲಿಸಿದರು.

ಗೌರವ ಪ್ರಧಾನ ಕಾರ್ಯದರ್ಶಿ ಅಶೋಕ ಎನ್. ಪೂಜಾರಿ ವಂದಿಸಿದರು.