ವಂಡ್ಸೆ: ಪ್ರಶಸ್ತಿ ಪುರಸ್ಕೃತ ಐರ್ ಬೈಲು ಆನಂದ ಶೆಟ್ಟಿ, ಯಳಬೇರು ಶೇಖರ ಶೆಟ್ಟಿಯವರಿಗೆ ಸನ್ಮಾನ

ಕುಂದಾಪುರ: ವಂಡ್ಸೆ ಉದ್ದಿನಬೆಟ್ಟು ದೇವತಾನುಗ್ರಹ ವಠಾರದಲ್ಲಿ ಇತ್ತೀಚೆಗೆ ನಡೆದ ಮಾರಣಕಟ್ಟೆ ಮೇಳದ ಯಕ್ಷಗಾನ ಬಯಲಾಟದ ವೇದಿಕೆಯಲ್ಲಿ ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ ಹಿರಿಯ ಕಲಾವಿದ ಐರ್ ಬೈಲು ಆನಂದ ಶೆಟ್ಟಿ ಹಾಗೂ ಉಡುಪಿ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ ಹಾಸ್ಯ ಕಲಾವಿದ ಶೇಖರ ಶೆಟ್ಟಿ ಯಳಬೇರು ಇವರುಗಳನ್ನು ಸನ್ಮಾನಿಸಲಾಯಿತು.

ಈ ಸಂದರ್ಭದಲ್ಲಿ ಗಣೇಶ ಭಂಡಾರಿ ಸಂಬರ್ತಿ, ಸುಭಾಷ್ ಭಂಡಾರಿ, ಸಂಜೀವ ಭಂಡಾರಿ ವಂಡ್ಸೆ, ಗೋಪಾಲ ಭಂಡಾರಿ ಹಿಲಿಯಾಣ, ಸೇವಾಕರ್ತರಾದ ಅಕ್ಷತಾ ದಿನೇಶ ಭಂಡಾರಿ, ದಿಶಾಂತ್, ಅದ್ವಿತ್ ಉಪಸ್ಥಿತರಿದ್ದರು,

ಸತೀಶ ಶೆಟ್ಟಿ ಮೂಡುಬಗೆ ಕಾರ್ಯಕ್ರಮ ನಿರ್ವಹಿಸಿದರು. ಬಳಿಕ ಶ್ರೀದೇವಿ ಮಹಾತ್ಮೆ ಯಕ್ಷಗಾನ ಪ್ರದರ್ಶನಗೊಂಡಿತು.