ಕುಂದಾಪುರ ಕೋವಿಡ್ ಆಸ್ಪತ್ರೆಗೆ 2 ಲಕ್ಷ ಮೌಲ್ಯದ ಕೊಡುಗೆ ಹಸ್ತಾಂತರ

ಕುಂದಾಪುರ, ಅ.22: ಕುಂದಾಪುರದ ಕೋವಿಡ್ ಅಸ್ಪತ್ರೆಯ ಪ್ರಯೋಗಾಲಯದ ಪ್ರಯೋಗಾಲಯ ಉಪಕರಣಗಳಿಗೆ ಬೇಕಾಗುವ ಸುಮಾರು 2 ಲಕ್ಷ ಮೌಲ್ಯದ ಆನ್‍ಲೈನ್ ಯುಪಿಎಸ್ ಸಿಸ್ಟಮ್‍ನ್ನು ಉದ್ಯಮಿ ಕಮಲಕಿಶೋರ್ ಹೆಗ್ಡೆ ಮೊಳಹಳ್ಳಿ ಅವರು ಕೊಡುಗೆಯಾಗಿ ನೀಡಿದರು.

ಕುಂದಾಪುರ ಉಪ ವಿಭಾಗಾಧಿಕಾರಿ ಕೆ.ರಾಜು ಅವರು ಕೊಡುಗೆಯನ್ನು ಸ್ವೀಕರಿಸಿ, ಅಭಿನಂದನೆ ಸಲ್ಲಿಸಿದರು.

ಕೋವಿಡ್ ಆಸ್ಪತ್ರೆಯ ನೋಡೆಲ್ ಅಧಿಕಾರಿ ಡಾ|ನಾಗೇಶ್, ಕುಂದಾಪುರ ತಾಲೂಕು ವೈದ್ಯಾಧಿಕಾರಿ ಡಾ|ನಾಗಭೂಷಣ ಉಡುಪ, ಸಾರ್ವಜನಿಕ ಆಸ್ಪತ್ರೆಯ ಡಾ|ರೋಬರ್ಟ್ ರೆಬೆಲ್ಲೋ, ಸಬ್ಲಾಡಿ ಶೀನಪ್ಪ ಶೆಟ್ಟಿ ಮೆಮೋರಿಯಲ್ ಚಾರಿಟೆಬಲ್ ಟ್ರಸ್ಟ್ ನ ಜಯರಾಮ ಶೆಟ್ಟಿ, ನೋಡೆಲ್ ಅಧಿಕಾರಿ ಡಾ|ಪ್ರೇಮಾನಂದ, ಡಾ|ವೀಣಾ ಮುಂತಾದವರು ಉಪಸ್ಥಿತರಿದ್ದರು.