ಕುಂದಾಪುರದ ಹಿರಿಯ ದಂತ ವೈದ್ಯ ಡಾ.ಎನ್.ಪಿ.ಕಮಾಲ್ ನಿಧನ

ಕುಂದಾಪುರ: ಕುಂದಾಪುರದ ಹಿರಿಯ ದಂತ ವೈದ್ಯ, ಒಪ್ಟಿಕಲ್ಸ್ ಮಾಲೀಕ ರೋಟರಿ ಕುಂದಾಪುರ ಮಾಜಿ ಅಧ್ಯಕ್ಷ , ರೋಟರಿ ಜಿಲ್ಲಾ ಅಸಿಸ್ಟಂಟ್ ಗವರ್ನರ್ ಡಾ.ಎನ್.ಪಿ.ಕಮಾಲ್ (93ವ) ಇಂದು (ಏ.25) ನಿಧನರಾಗಿದ್ದಾರೆ.

ಕುಂದಾಪುರದ ಹಳೆ ಬಸ್ ನಿಲ್ದಾಣದ ವಠಾರದಲ್ಲಿ ದಂತ ವೈದ್ಯಕೀಯ ಕೇಂದ್ರ ಹಾಗೂ ಕನ್ನಡಕ ಮಳಿಗೆ ಹೊಂದಿದ್ದ ಇವರು ಜನಪ್ರಿಯ ವೈದ್ಯರಾಗಿದ್ದರು. ರೋಟರಿ ಸಂಸ್ಥೆಯಲ್ಲಿ ಅನೇಕ ವರ್ಷಗಳ ಕಾಲ ಸೇವೆ ಸಲ್ಲಿಸಿದ್ದರು. ಮೂಲತಃ ಕೇರಳದವರಾಗಿದ್ದ ಇವರು ಅನೇಕ ವರ್ಷಗಳ ಹಿಂದೆ ಕುಂದಾಪುರಕ್ಕೆ ಬಂದು ನೆಲೆಸಿದ್ದರು. ಮೃತರು ನಾಲ್ವರು ಪುತ್ರರು, ಹಾಗೂ ಓರ್ವ ಪುತ್ರಿಯನ್ನು ಅಗಲಿದ್ದಾರೆ.