ಸಿ.ಎ. ಪರೀಕ್ಷೆಯಲ್ಲಿ ಬಿ. ಬಿ. ಹೆಗ್ಡೆ ಕಾಲೇಜಿನ ವಾಣಿಜ್ಯ ವಿದ್ಯಾರ್ಥಿಗಳ ಗಮನಾರ್ಹ ಸಾಧನೆ

ಕುಂದಾಪುರ: ಇನ್‌ಸ್ಟಿಟ್ಯೂಟ್ ಆಫ್ ಚಾರ್ಟರ್ಡ್ ಅಕೌಂಟೆಂಟ್ಸ್ ಆಫ್ ಇಂಡಿಯಾ (ICAI) ನಡೆಸಿದ ಸೆಪ್ಟೆಂಬರ್ -2026ರ ಸಿ.ಎ. ಇಂಟರ್ಮೀಡಿಯಟ್ ಪರೀಕ್ಷೆಯಲ್ಲಿ ಡಾ. ಬಿ. ಬಿ. ಹೆಗ್ಡೆ ಪ್ರಥಮ ದರ್ಜೆ ಕಾಲೇಜಿನ ವಾಣಿಜ್ಯ ವಿಭಾಗದ ವಿದ್ಯಾರ್ಥಿಗಳು ಗಮನಾರ್ಹ ಸಾಧನೆ ಮಾಡಿದ್ದಾರೆ.

ವಿದ್ಯಾರ್ಥಿಗಳಾದ ಕೋಟದ ಶಂಕರ್ ನಾಯ್ಕ್ ಅವರ ಪುತ್ರಿ ರಕ್ಷಾ ಎಸ್. ನಾಯ್ಕ್, ಆನಗಳ್ಳಿಯ ಗಣೇಶ್ ಮೊಗವೀರ ಅವರ
ಪುತ್ರ ಮನೀಶ್ ಗಣೇಶ್ ಮೊಗವೀರ ಹಾಗೂ ಮೊಳಹಳ್ಳಿಯ ಉದಯ ಕುಮಾರ್ ಅವರ ಪುತ್ರ ಶ್ರೇಯಸ್ ಯು. ಅವರು ಸಿ.ಎ.
ಇಂಟರ್ಮೀಡಿಯಟ್ ಗ್ರೂಪ್-೧ರಲ್ಲಿ ಉತ್ತೀರ್ಣರಾಗಿದ್ದಾರೆ. ಕಾಲೇಜಿನ ಪ್ರಾಕ್ತನ ವಿದ್ಯಾರ್ಥಿನಿ ಬಗ್ವಾಡಿಯ ಪ್ರೇಮಾ ಅವರ ಪುತ್ರಿ ವಿಸ್ಮಿತಾ
ಆಚಾರಿ ಅವರು ಗ್ರೂಪ್-೨ರಲ್ಲಿ ಉತ್ತೀರ್ಣರಾಗುವ ಮೂಲಕ ಎರಡೂ ಗ್ರೂಪ್‌ಗಳನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಿದ್ದಾರೆ.