ಹಳ್ಳಿಮನೆ ಸಂಜೀವರಾವ್ ಅವರಿಗೆ ಬಿ.ಹೆಚ್.ಎ ಲೈಫ್ ಟೈಮ್ ಅವಾರ್ಡ್

ಬೆಂಗಳೂರು: ಬೆಂಗಳೂರು ಆಹಾರೋದ್ಯಮದಲ್ಲಿ ಪ್ರಸಿದ್ಧರಾಗಿರುವ ಹಳ್ಳಿಮನೆ ಸಂಜೀವರಾವ್ ಅವರಿಗೆ ಪ್ರತಿಷ್ಠಿತ “ಬಿ ಹೆಚ್ ಎ ಲೈಫ್ ಟೈಮ್ ಅವಾರ್ಡ್” ಲಭಿಸಿದೆ. ಬೆಂಗಳೂರಿನಲ್ಲಿ ಹಳ್ಳಿಮನೆ ಹೋಟೆಲ್ ಮೂಲಕವೇ ಪ್ರಸಿದ್ಧರಾದ ಇವರು ಹಳ್ಳಿಮನೆ ಹೋಟೆಲ್ ಮೂಲಕ ಪ್ರಾದೇಶಿಕ ತಿಂಡಿ ತಿನಿಸುಗಳ ಮೂಲಕವೇ ಪ್ರಸಿದ್ಧಿ ಪಡೆದವರು. ಯುಗಾದಿ, ಗಣೇಶ ಚತುರ್ಥಿ, ದೀಪಾವಳಿ ಮೊದಲಾದ ಹಬ್ಬಗಳಿಗೆ ವಿಶೇಷ ಹಬ್ಬದೂಟ, ಪರಂಪರೆಯ ಖಾದ್ಯಗಳನ್ನು ಪರಿಚಯಿಸುವ ಮೂಲಕ ರಾಜಧಾನಿಯಲ್ಲಿ ಕರಾವಳಿಗರ ಗಮನ ಸಳೆದವರು. ಬೆಂಗಳೂರು ಆಹಾರೋದ್ಯಮದಲ್ಲಿ ತನ್ನದೆಯಾದ ಛಾಪು ಮೂಡಿಸಿದ ಸಂಜೀವರಾವ್ ಅವರಿಗೆ ಹಳ್ಳಿಮನೆ ಸಂಜೀವ ರಾವ್ ಎನ್ನವ ಅನ್ವರ್ಥವೂ ಜೊತೆಗೆ ಸೇರಿಕೊಂಡಿದೆ. ಹೋಟೆಲ್ ಉದ್ಯಮದಲ್ಲಿ ಹೊಸ ಸಾಧ್ಯತೆ, ಪ್ರಯೋಗಶೀಲತೆ, ಉದ್ಯಮ ಅಭಿವೃದ್ಧಿಯ ಚಿಕಿತ್ಸಕ ದೃಷ್ಟಿಕೋನದ ಮೂಲಕ ಉದ್ಯಮಶೀಲತೆಯಲ್ಲಿ ಸಾಕಷ್ಟು ಅನುಭವ ಹೊಂದಿದ್ದಾರೆ.

ಮಾ.೨೫ರಂದು ಬೆಂಗಳೂರು ಅರಮನೆ ಮೈದಾನದಲ್ಲಿ ನಡೆದ ಸಮಾರಂಭದಲ್ಲಿ ಪ್ರಶಸ್ತಿ ಪ್ರದಾನ ಮಾಡಲಾಯಿತು.