ಮುದ್ದುಮನೆ: ಅಯುಷ್ಮಾನ್ ಅರೋಗ್ಯ ಮಂದಿರ ಕಟ್ಟಡ ಶಿಲಾನ್ಯಾಸ

ಮಂದಾರ್ತಿ: ಕುಂದಾಪುರ ವಿಧಾನಸಭಾ ಕ್ಷೇತ್ರ ವ್ಯಾಪ್ತಿಯ ಮಂದಾರ್ತಿ ಪ್ರಾಥಮಿಕ ಅರೋಗ್ಯ ಕೇಂದ್ರ ವ್ಯಾಪ್ತಿಯ 33 ಶಿರೂರು-ಮುದ್ದುಮನೆಯಲ್ಲಿ ನೂತನವಾಗಿ ಉಪಕೇಂದ್ರ ವ್ಯಾಪ್ತಿಯ ಅಯುಷ್ಮಾನ್ ಅರೋಗ್ಯ ಮಂದಿರ ನಿರ್ಮಾಣದ ಕಟ್ಟಡ ಶಿಲಾನ್ಯಾಸ ಕಾರ್ಯಕ್ರಮವನ್ನು ಕುಂದಾಪುರ ವಿಧಾನಸಭಾ ಕ್ಷೇತ್ರದ ಶಾಸಕರಾದ ಎ.ಕಿರಣ್ ಕುಮಾರ್ ಕೊಡ್ಗಿಯವರು ನೆರವೇರಿಸಿದರು.

ಇಲಾಖೆ ವತಿಯಿಂದ 65 ಲಕ್ಷ ಅನುದಾನ ಬಿಡುಗಡೆಗೊಂಡಿದ್ದು, ಆರೋಗ್ಯ ಮಂದಿರ ಕಟ್ಟಡ ನಿರ್ಮಾಣಕ್ಕೆ ನಿವೃತ್ತ ಅಧ್ಯಾಪಕರಾದ ಮೋಹನ್ ದಾಸ್ ಶೆಟ್ಟಿಯವರು 20 ಸೆಂಟ್ಸ್ ಜಾಗವನ್ನು ದಾನ ರೂಪದಲ್ಲಿ ನೀಡಿದ್ದು ಇವರ ಸಮಾಜಮುಖಿ ಕಾರ್ಯವೈಖರಿಗೆ ಶಾಸಕರು ಹಾಗೂ ಸಾರ್ವಜನಿಕರು ಹರ್ಷ ವ್ಯಕ್ತಪಡಿಸಿದರು.

ಈ ಸಂದರ್ಭದಲ್ಲಿ ದಾನಿಗಳಾದ ಮೋಹನದಾಸ ಶೆಟ್ಟಿ, ವೈದ್ಯಾಧಿಕಾರಿಗಳಾದ ಅನಿಲ್ ಕುಮಾರ್, ಮತ್ತು ಸಿಬ್ಬಂದಿವರ್ಗದವರು ಗ್ರಾಮಪಂಚಾಯತ್ ಸದಸ್ಯರಾದ ಗುರುಪ್ರಸಾದ್, ಲೋಕೇಶ್, ಚಂದ್ರಶೇಖರ ಪೂಜಾರಿ, ಶೋಭಾ ಬಲಿರಾಜ್ ಶೆಟ್ಟಿ, ಮತ್ತು ಹೆಗ್ಗುಂಜಿ ಗ್ರಾಮ ಪಂಚಾಯಿತಿನ ಅಧ್ಯಕ್ಷರಾದ ರಾಮಕೃಷ್ಣ, ಮಾಜಿ ಗ್ರಾಮ ಪಂಚಾಯತ್ ಅಧ್ಯಕ್ಷರಾದ ಗಣೇಶ ಶೆಟ್ಟಿ ಮಂದಾರ್ತಿ ಮೊದಲಾದವರು ಉಪಸ್ಥಿತರಿದ್ದರು.