ಶಿರಿಯಾರ ವ್ಯವಸಾಯಿಕ ಸಹಕಾರಿ ಸಂಘದ ಅಧ್ಯಕ್ಷರಾಗಿ ಪ್ರದೀಪ್ ಬಲ್ಲಾಳ್, ಉಪಾಧ್ಯಕ್ಷರಾಗಿ ಅಲ್ತಾರು ನಿರಂಜನ್ ಹೆಗ್ಡೆ ಆಯ್ಕೆ

ಕೋಟ: ಶಿರಿಯಾರ ವ್ಯಾವಸಾಯಿಕ ಸಹಕಾರಿ ಸಂಘದ ಆಡಳಿತ ಮಂಡಳಿಯ ನೂತನ ಅಧ್ಯಕ್ಷರಾಗಿ ಪ್ರದೀಪ್ ಬಲ್ಲಾಳ್, ಉಪಾಧ್ಯಕ್ಷರಾಗಿ ಅಲ್ತಾರು ನಿರಂಜನ್ ಹೆಗ್ಡೆ ಆಯ್ಕೆಯಾಗಿದ್ದಾರೆ.

ಜ.16ರಂದು ಸಂಘದ ಆಡಳಿತ ಕಚೇರಿಯಲ್ಲಿ ನಡೆದ ಅಧ್ಯಕ್ಷರು, ಉಪಾಧ್ಯಕ್ಷರ ಆಯ್ಕೆಯ ಚುನಾವಣೆಯಲ್ಲಿ ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ.

ಈ ಸಂದರ್ಭದಲ್ಲಿ ಸಂಘದ ನಿರ್ದೇಶಕರಾದ ಕೆ.ಉದಯಚಂದ್ರ ಶೆಟ್ಟಿ ಅಶೋಕ್ ಪ್ರಭು, ಮಹೇಂದ್ರ ಶೆಟ್ಟಿ ಶಿರಿಯಾರ, ಶರತ್ ಕುಮಾರ್ ಶೆಟ್ಟಿಯಡ್ತಾಡಿ, ಹರೀಶ್ ಶೆಟ್ಟಿ ಮಾನಂಬಳ್ಳಿ ಶಕಿಲಾ ಹೆಗ್ಡೆ ಅಲ್ತಾರು, ಜಲಜಾ ಕಳ್ಳಾಡಿ, ಶೇಖರ್ ಪೂಜಾರಿ ಶಿರಿಯಾರ, ಸುರೇಂದ್ರ ಶೆಟ್ಟಿ ಕೊಮೆ-ಅಚ್ಚಾಡಿ, ಸಂಕು, ಪ್ರಮಿಳ ಕಾಜ್ರಲ್ಲಿ ಹಾಗೂ ಸಂಘದ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಕೆ.ಚಂದ್ರಶೇಖರ್ ಶೆಟ್ಟಿ ಶಿರಿಯಾರ ಗ್ರಾ.ಪಂ. ಅಧ್ಯಕ್ಷ ಸುಧೀಂದ್ರ ಶೆಟ್ಟಿ ಉಪಸ್ಥಿತರಿದ್ದರು. ಚುನಾವಣಾಧಿಕಾರಿ ಸುಮಿತ್ರಾ ಕುಮಾರಿ ಆಯ್ಕೆ ಪ್ರಕ್ರಿಯೆ ನಡೆಸಿದರು.