ಮಂಗಳೂರು ವಿಶ್ವವಿದ್ಯಾಲಯ : ಕುಂದಗನ್ನಡ ಅಧ್ಯಯನ ಪೀಠಕ್ಕೆ ಸದಸ್ಯರ ನೇಮಕ

ಜನಪ್ರತಿನಿಧಿ (ಮಂಗಳೂರು/ಕುಂದಾಪುರ) : ಮಂಗಳೂರು ವಿ.ವಿ ಅಲ್ಲಿ ಆರಂಭವಾಗಿರು ಕುಂದಗನ್ನಡ ಅಧ್ಯಯನ ಪೀಠಕ್ಕೆ ಅಧ್ಯಕ್ಷ ಹಾಗೂ ಸದಸ್ಯರ ನೇಮಕ ಮಾಡಿ೮ ಸಲಹಾ ಸಮಿತಿ ರಚಿಸಿ ಕುಲಸಚಿವರು ಆದೇಶ ಹೊರಡಿಸಿದ್ದಾರೆ.

ಕುಲಪತಿಗಳು ಸಮಿತಿಯ ಅಧ್ಯಕ್ಷರಾಗಿದ್ದು, ಮಾಜಿ ಸಂಸದ ಕೆ. ಜಯಪ್ರಕಾಶ್‌ ಹೆಗ್ಡೆ, ಮಂಗಳೂರು ವಿ.ವಿ ಸಿಂಡಿಕೇಟ್‌ ಸದಸ್ಯೆ ಜುಡಿತ್‌ ಮೆಂಡೋನ್ಸಾ ತಲ್ಲೂರು, ಶೈಕ್ಷಣಿಕ ಮಂಡಳಿ ಸದಸ್ಯ ಡಾ. ವೈ. ನಾರಾಯಣ, ವ್ಯಂಗ್ಯ ಚಿತ್ರಕಾರ ಪಂಜು ಗಂಗೊಳ್ಳಿ, ನಿವೃತ್ತ ಕನ್ನಡ ಉಪನ್ಯಾಸಕಿ ಡಾ. ರೇಖಾ ಬನ್ನಾಡಿ ಕುಂದಾಪುರ, ಲೇಖಕ ಉದಯ್‌ ಶೆಟ್ಟಿ ಪಡುಕೆರೆ ಚಲನಚಿತ್ರ ಸಂಗೀತ ನಿರ್ದೇಶಕ ರವಿ ಬಸ್ರೂರು, ರಾಜೇಶ್‌ ಕೆ.ಸಿ ಕುಂದಾಪುರ, ವಿ.ವಿ ಯ ಕುಲಸಚಿವರು, ಖಾಯಂ ಸದಸ್ಯರಾಗಿ ವಿ.ವಿ ಯ ಹಣಕಾಸು ಅಧಿಕಾರಿ ಸೇರಿ ಮುಂತಾದವರನ್ನು ಸದಸ್ಯರನ್ನಾಗಿ ನೇಮಕ ಮಾಡಲಾಗಿದೆ.