ಬೈಂದೂರು ಗಾಣಿಗ ಸೇವಾ ಟ್ರಸ್ಟ್: ಹೊಲಿಗೆ ತರಬೇತಿಗೆ ಚಾಲನೆ

ಬೈಂದೂರು, ಸೆ.5: ಬೈಂದೂರು ಗಾಣಿಗ ಸೇವಾ ಟ್ರಸ್ಟಿನ ವತಿಯಿಂದ 2ನೇ ತಂಡದ ಹೊಲಿಗೆ ತರಬೇತಿಗೆ ಸೆ.5ರಂದು ಚಾಲನೆ ನೀಡಲಾಯಿತು.

ಟ್ರಸ್ಟಿನ ಅಧ್ಯಕ್ಷರಾದ ಕೊಲ್ಲೂರು ರಮೇಶ ಗಾಣಿಗ ದೀಪ ಬೆಳಗಿಸಿ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿ, ಮಹಿಳೆಯರು ಸ್ವ ಉದ್ಯೋಗ ಕಲಿತು ಆರ್ಥಿಕ ಸ್ವಾವಲಂಬನೆ ಸಾಧಿಸಬೇಕು. ಹೊಲಿಗೆ ತರಬೇತಿ ಸಂಪೂರ್ಣ ಉಚಿತವಾಗಿದ್ದು ಕಲಿತವರಿಗೆ ಹೊಲಿಗೆ ಯಂತ್ರ ಖರೀದಿಸಿ, ಉದ್ಯೋಗ ಆರಂಭಿಸಲು ಸಾಲಸೌಲಭ್ಯದ ವ್ಯವಸ್ಥೆ ಮಾಡಲಾಗುವುದು ಎಂದರು.

ಟ್ರಸ್ಟಿನ ಕಾರ್ಯದರ್ಶಿ ನಾಗರಾಜ ಗಾಣಿಗ, ಕೋಶಾಧಿಕಾರಿ ಅನಂದ ಗಾಣಿಗ, ಟ್ರಸ್ಟಿನ ಪ್ರೇಮ ಗಾಣಿಗ, ಪ್ರಶಾಂತ, ತರಬೇತುದಾರರಾದ ಸುಬ್ಬಣ್ಣ ಗಾಣಿಗ ಉಪಸ್ಥಿತರಿದ್ದರು. ಟ್ರಸ್ಟಿ ಶಿವಾನಂದ ಗಾಣಿಗ ಸ್ವಾಗತಿಸಿ, ವಂದಿಸಿದರು.