ದ್ವಿತೀಯ ಪಿಯುಸಿ ಪರೀಕ್ಷೆ ಫಲಿತಾಂಶ : ಸರಕಾರಿ ಪದವಿ ಪೂರ್ವ ಕಾಲೇಜು ಕುಂದಾಪುರ ಉತ್ಕೃಷ್ಟ ಸಾಧನೆ

ಜನಪ್ರತಿನಿಧಿ (ಕುಂದಾಪುರ) : 2024 ಮಾರ್ಚ್‌ನಲ್ಲಿ ನಡೆದ ದ್ವಿತೀಯ ಪಿಯುಸಿ ವಾರ್ಷಿಕ ಪರೀಕ್ಷೆ-01 ರಲ್ಲಿ ಸರಕಾರಿ ಪದವಿ ಪೂರ್ವ ಕಾಲೇಜು ಕುಂದಾಪುರ ಒಟ್ಟು 696 ವಿದ್ಯಾರ್ಥಿಗಳು ಪರೀಕ್ಷೆ ಬರೆದಿದ್ದು, 635 ವಿದ್ಯಾರ್ಥಿಗಳು ಉತ್ತೀರ್ಣರಾಗಿ ಶೇಕಡಾ 91.24ರಷ್ಟು ಫಲಿತಾಂಶ ದಾಖಲಿಸಿದೆ.

ಕಲಾ ವಿಭಾಗದಲ್ಲಿ ಶೇಕಡಾ 88.89, ವಾಣಿಜ್ಯ ವಿಭಾಗದಲ್ಲಿ ಶೇಕಡಾ 90.32 ಮತ್ತು ವಿಜ್ಞಾನ ವಿಭಾಗದಲ್ಲಿ ಶೇಕಡಾ 96.52 ಫಲಿತಾಂಶ ಬಂದಿರುತ್ತದೆ. ಒಟ್ಟು ವಿಶಿಷ್ಟ ಶ್ರೇಣಿಯಲ್ಲಿ 123 ವಿದ್ಯಾರ್ಥಿಗಳು, ಪ್ರಥಮ ದರ್ಜೆಯಲ್ಲಿ 388 ವಿದ್ಯಾರ್ಥಿಗಳು, ದ್ವಿತೀಯ ದರ್ಜೆಯಲ್ಲಿ 99 ವಿದ್ಯಾರ್ಥಿಗಳು ಉತ್ತೀರ್ಣರಾಗಿದ್ದಾರೆ ಎಂದು ಕಾಲೇಜಿನ ಪ್ರಾಂಶುಪಾಲರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ವಿಜ್ಞಾನ ವಿಭಾಗದಲ್ಲಿ ಪ್ರದೀಪ ಮೊಗವೀರ ಮತ್ತು ಸಾನಿಕಾ (569 ಅಂಕ) ಪ್ರಥಮ, ಶಮಿತಾ (564 ಅಂಕ) ದ್ವಿತೀಯ, ಪ್ರೀಯಾಂಕ (554 ಅಂಕ) ತೃತೀಯ, ವಾಣಿಜ್ಯ ವಿಭಾಗದಲ್ಲಿ ಅಪೂರ್ವ (582 ಅಂಕ) ಪ್ರಥಮ, ರೋಹಿತ್ (577 ಅಂಕ) ದ್ವಿತೀಯ, ಸುಶ್ಮಿತಾ(576 ಅಂಕ) ತೃತೀಯ ಮತ್ತು ಕಲಾ ವಿಭಾಗದಲ್ಲಿ ಲಿಖಿತಾ ನಾಗ್ (576 ಅಂಕ) ಪ್ರಥಮ, ರಾಘವೇಂದ್ರ ವಿಠಲ ಪರಸಪ್ಪನವರ್‌ (560 ಅಂಕ) ದ್ವಿತೀಯ, ನರಸಪ್ಪ (553 ಅಂಕ) ತೃತೀಯ ಸ್ಥಾನ ಪಡೆದಿದ್ದಾರೆ ಎಂದು ಅವರು ತಿಳಿಸಿದ್ದಾರೆ.