ಕುಂದಾಪುರ: ನವೀಕರಣಗೊಂಡ ರೋಯಲ್ ಸಭಾಭವನದ ಉದ್ಘಾಟನೆ

ಕುಂದಾಪುರ: ಕಳೆದ 39 ವರ್ಷಗಳಿಂದ ನಿರಂತರವಾಗಿ ಸಮಾಜ ಸೇವೆಯಲ್ಲಿ ತೊಡೆಗಿಸಿಕೊಂಡು ಬಂದಂತಹ ಸಂಸ್ಥೆ ರೋಯಲ್ ಕ್ಲಬ್ (ರಿ.) ಚಿಕ್ಕನಸಾಲು ರಸ್ತೆ, ಕುಂದಾಪುರ ಇದರ ಸಭಾಭವನ ನವೀಕರಣದ ಉದ್ಘಾಟನೆಯನ್ನು ಕುಂದಾಪುರ ವಿಧಾನಸಭಾ ಕ್ಷೇತ್ರದ ಶಾಸಕರಾದ ಎ. ಕಿರಣ್ ಕುಮಾರ್ ಕೊಡ್ಗಿಯವರು ನೆರವೇರಿಸಿದರು.

ಮುಖ್ಯ ಅತಿಥಿಗಳಾಗಿ ಕುಂದಾಪುರ ಪುರಸಭಾ ಸದಸ್ಯರಾದ ಸಂತೋಷ್ ಕುಮಾರ್ ಶೆಟ್ಟಿ, ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ಕುಂದಾಪುರ ಇದರ ಯೋಜನಾಧಿಕಾರಿ ಶ್ರೀಮತಿ ಪಾರ್ವತಿ, ರೋಯಲ್ ಸಭಾಭವನ ಕಟ್ಟಡ ಸಮಿತಿ ಅಧ್ಯಕ್ಷರಾದ ರಾಧಾಕೃಷ್ಣ ಬಿ. ನಾಯಕ್ ಹಾಗೂ ಸಂಸ್ಥೆಯ ಕಾರ್ಯದರ್ಶಿ ನಿತ್ಯಾನಂದ ಕೆ. ಉಪಸ್ಥಿತರಿದ್ದರು.

ರೋಯಲ್ ಕ್ಲಬ್ ಅಧ್ಯಕ್ಷರಾದ ಸಂತೋಷ್ ಮಾಣಿಮನೆ ಸ್ವಾಗತಿಸಿ, ಶಂಕರ್ ಕಂಚುಗಾರ್ ಪ್ರಾರ್ಥನೆ ನೆರವೇರಿಸಿ, ಮಹೇಶ್ ಬೆಟ್ಟಿನ್ ಕಾರ್ಯಕ್ರಮ ನಿರ್ವಹಿಸಿ, ಪ್ರಕಾಶ್ ಕೆ. ವಂದಿಸಿದರು.