ಮರವಂತೆಯಲ್ಲಿ ಮಹಿಳೆಯರಿಗಾಗಿ ಆಯುರ್ವೇದ ಆರೋಗ್ಯ ಶಿಬಿರ

ಮರವಂತೆಯ ಸಾಧನಾ ಸಮಾಜ ಸೇವಾ ವೇದಿಕೆ ಮತ್ತು ಮರವಂತೆ ಬಡಾಕೆರೆ ವ್ಯವಸಾಯ ಸೇವಾ ಸಹಕಾರಿ ಸಂಘ ಇವುಗಳ ಸಂಯುಕ್ತ ಆಶ್ರಯದಲ್ಲಿ ೧೪ನೆ ಶನಿವಾರ ಬೆಳಿಗ್ಗೆ 9ರಿಂದ ಮಧ್ಯಾಹ್ನ 12-30ರ ವರೆಗೆ ಮಹಿಳೆಯರಿಗಾಗಿ ಆಯುರ್ವೇದ ಆರೋಗ್ಯ ಶಿಬಿರವನ್ನು ಆಯೋಜಿಸಲಾಗಿದೆ.

ಇಲ್ಲಿನ ಸಾಧನಾ ಸಮುದಾಯ ಭವನದಲ್ಲಿ ನಡೆಯುವ ಶಿಬಿರದಲ್ಲಿ ಅನುಭವಿ ಮತ್ತು ಪರಿಣತ ಮಹಿಳಾ ಆಯುರ್ವೇದ ವೈದ್ಯರಾದ ಡಾ. ರೂಪಶ್ರೀ ಮರವಂತೆ, ಡಾ. ಗೀತಾ ಎಸ್. ರಾವ್ ಉಡುಪಿ, ಡಾ. ವಿಜಯಲಕ್ಷ್ಮೀ ಕುಂದಾಪುರ, ಡಾ. ಸ್ವಾತಿ ಶೇಟ್ ಉಡುಪಿ ಅವರು ಆರೋಗ್ಯ ತಪಾಸಣೆ ನಡೆಸಿ ಅಗತ್ಯ ಚಿಕಿತ್ಸೆ ಹಾಗೂ ಮಾರ್ಗದರ್ಶನ ನೀಡುವರು. ಮಹಿಳೆಯರು ಅವರಿಗಾಗಿಯೇ ಆಯೋಜನೆಯಾಗಿರುವ ಈ ವಿಶೇಷ ಕಾರ್ಯಕ್ರಮದ ಸದುಪಯೋಗ ಪಡೆಯಬೇಕು ಎಂದು ಕೋರಲಾಗಿದೆ.