ಪ್ರಶಸ್ತಿ ಪುರಸ್ಕೃತ ಕಲಾವಿದ ಆಲೂರು ಸುರೇಂದ್ರ ಅವರಿಗೆ ಸನ್ಮಾನ

ಕುಂದಾಪುರ: ಚಿತ್ತೂರು ಆನಂದ ನಗರದಲ್ಲಿ ಡಿ.13ರಂದು ಲಕ್ಷ್ಮೀ ಮತ್ತು ಸೂರಜ್ ಶೆಟ್ಟಿ ಮತ್ತು ಮಕ್ಕಳ ಹರಕೆ ಬಯಲಾಟವಾಗಿ ವಂಡಬಳ್ಳಿ ಜಯರಾಮ ಶೆಟ್ಟರ ಮನೆ ವಠಾರದಲ್ಲಿ ನಡೆದ ಮಾರಣಕಟ್ಟೆ ಎರಡು ಮೇಳಗಳ ಕೂಡಾಟದ ಸಂದರ್ಭದಲ್ಲಿ ಈ ಬಾರಿಯ ಉಡುಪಿ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ ಯಕ್ಷಗಾನ ಕಲಾವಿದ ಆಲೂರು ಸುರೇಂದ್ರ ಅವರನ್ನು ಸನ್ಮಾನಿಸಲಾಯಿತು.

ಕೊಲ್ಲೂರು ದೇವಳದ ಮಾಜಿ ಧರ್ಮದರ್ಶಿ ವಂಡಬಳ್ಳಿ ಜಯರಾಮ ಶೆಟ್ಟಿ, ಮಾರಣಕಟ್ಟೆ ಶ್ರೀ ಬ್ರಹ್ಮಲಿಂಗೇಶ್ವರ ದೇವಸ್ಥಾನದ ಆಡಳಿತ ಮೊಕ್ತೇಸರ ಸದಾಶಿವ ಶೆಟ್ಟಿ, ಶ್ರೀಧರ ಮಂಜರು ಮಾರಣಕಟ್ಟೆ, ಸೂರಜ್ ಶೆಟ್ಟಿ, ವೇಣುಗೋಪಾಲ ಶೆಟ್ಟಿ ಸತೀಶ ಕುಮಾರ್ ಶೆಟ್ಟಿ ಮೊದಲಾದವರು ಉಪಸ್ಥಿತರಿದ್ದರು.