ಕವನ ಸ್ಪರ್ಧೆ: ಮಹಾಬಲ ಕೆ ಪ್ರಥಮ

ಬೈಂದೂರು: ಕೇಂದ್ರ ಕನ್ನಡ ಸಾಹಿತ್ಯ ವೇದಿಕೆ ಇದರ ಬೆಳಗಾವಿ ತಾಲೂಕು ಘಟಕ ಏರ್ಪಡಿಸಿದ್ದ ರಾಜ್ಯ ಮಟ್ಟದ ಪ್ರೇಮ ಕವನ ರಚನೆ ಸ್ಪರ್ಧೆಯಲ್ಲಿ ಬಡಾಕೆರೆ ಸರ್ಕಾರಿ ಶಾಲೆಯ ಮುಖ್ಯಶಿಕ್ಷಕ ಮಹಾಬಲ.ಕೆ ಇವರು ಪ್ರಥಮ ಬಹುಮಾನ ಪಡೆದಿದ್ದಾರೆ. ಇವರು ರಚಿಸಿದ ನೆನಪಿನೋಲೆ ಕವನವು ಬಹುಮಾನಕ್ಕೆ ಭಾಜನವಾಗಿದ್ದು ನಗದು ಬಹುಮಾನ ಹಾಗೂ ಪ್ರಶಸ್ತಿ ಪತ್ರ ಒಳಗೊಂಡಿದೆ.

ಮಹಾಬಲ ಕೆ ಅವರು ಪ್ರತಿಭಾನ್ವಿತ ಶಿಕ್ಷಕರಾಗಿದ್ದು ಇವರ ಹಲವಾರು ಕವನಗಳು ನಾಡಿನ ವಿವಿಧ ಪತ್ರಿಕೆಗಳಲ್ಲಿ ಪ್ರಕಟಗೊಂಡಿದೆ. ಮಕ್ಕಳಿಗಾಗಿ ಇತ್ತೀಚೆಗೆ ಕವನ ಸಂಕಲನವನ್ನು ಪ್ರಕಟಿಸಿದ್ದಾರೆ. ಶಿಶುಪ್ರಾಸಗಳು, ಪುಟಾಣಿ ಮಕ್ಕಳು ಸುಲಲಿತವಾಗಿ ಹಾಡಬಲ್ಲ ಕವನಗಳನ್ನು ಅವರು ರಚಿಸಿದ್ದಾರೆ.