ಕೋಡಿ ಶ್ರೀ ಚಕ್ರಮ್ಮ ದೇವಸ್ಥಾನ: ಪುನರ್ ಪ್ರತಿಷ್ಠೆ ಬ್ರಹ್ಮಕಲಶೋತ್ಸವ

ಕುಂದಾಪುರ: ಶ್ರೀ ಚಕ್ರಮ್ಮ ದೇವಸ್ಥಾನ ಕೋಡಿ-ಕುಂದಾಪುರ ಇಲ್ಲಿ ಶ್ರೀ ವೀರಭದ್ರ ದೇವರು ಹಾಗೂ ಶ್ರೀ ಯಲ್ಲಮ್ಮ ದೇವಿಯ ಪಂಚಲೋಹದ ವಿಗ್ರಹದ ಪುನರ್ ಪ್ರತಿಷ್ಠೆ ಬ್ರಹ್ಮಕಲಶೋತ್ಸವ ಹಾಗೂ ಧರ್ಮದರ್ಶಿ ದಿ.ಮಾಧವ ಪೂಜಾರಿ (ಪಾತ್ರಿ) ಇವರ ನೂತನ ಮರದ ವಿಗ್ರಹ ಸ್ಥಾಪನೆ ಮತ್ತು ವಾರ್ಷಿಕ ಗೆಂಡಸೇವೆ ಜಾತ್ರೆ ಫೆ.6ರಿಂದ 8ರ ತನಕ ನಡೆಯಲಿದೆ.

ಫೆ.6ರಂದು ನೂತನ ಪಂಚಲೋಹ ನಿರ್ಮಿತ ದೇವಾ ದೇವಿಯ ವಿಗ್ರಹವನ್ನು ನಾಲ್ಕು ಪಾದದ ಹೈಗುಳಿ ಬಸ್ ನಿಲ್ದಾಣದಿಂದ ಶ್ರೀ ಚಕ್ರಮ್ಮ ದೇವಸ್ಥಾನದ ತನಕ ಮೆರವಣಿಗೆಯಲ್ಲಿ ಬರಮಾಡಿಕೊಳ್ಳಲಾಗುವುದು. ಫೆ.7ರಂದು ಪುನಃ ಪ್ರತಿಷ್ಠಾ ಕಾರ್ಯಕ್ರಮ, ಬ್ರಹ್ಮಕಲಶಾಭಿಷೇಕ, ಮಧ್ಯಾಹ್ನ ಅನ್ನಸಂತರ್ಪಣೆ, ಫೆ.7ರಂದು ಗೆಂಡಸೇವೆ, ಅನ್ನಸಂತರ್ಪಣೆ, ಫೆ.8ರಂದು ವಿವಿಧ ಧಾರ್ಮಿಕ ಕಾರ್ಯಕ್ರಮ, ಅನ್ನಸಂತರ್ಪಣೆ, ರಾತ್ರಿ ಮಾರಣಕಟ್ಟೆ ಮೇಳದವರಿಂದ ಯಕ್ಷಗಾನ ಬಯಲಾಟ ನಡೆಯಲಿದೆ.