ಬಿಪಿ‌ಎಲ್ ಪಂದ್ಯಕೂಟಕ್ಕೆ ಶ್ರೀರಾಮ್ ತಂಡದ ಹೊಸ ಜೆರ್ಸಿ ಅನಾವರಣ

ಕುಂದಾಪುರ: ಕಟ್ ಬೇಲ್ತೂರು ಮೈದಾನದಲ್ಲಿ ಎರಡು ದಿನಗಳ ಕಾಲ ನಡೆಯಲಿರುವ ಬೇಲ್ತೂರು ಪ್ರೀಮಿಯರ್ ಲೀಗ್- 2021 ರ ಕ್ರಿಕೆಟ್ ಪಂದ್ಯಕೂಟಕ್ಕೆ ಶ್ರೀರಾಮ್ ಕ್ರಿಕೆಟ್ ತಂಡದ ನೂತನ ಜೆರ್ಸಿ ಅನಾವರಣಗೊಳಿಸಲಾಯಿತು.

ಹೆಮ್ಮಾಡಿಯ ಮೂಡಾಡಿ ಶ್ರೀ ಬೊಬ್ಬರ್ಯ ದೈವಸ್ಥಾನದಲ್ಲಿ ಶುಕ್ರವಾರ ಸಂಜೆ ನಡೆದ ಕಾರ್ಯಕ್ರಮದಲ್ಲಿ ಹೆಮ್ಮಾಡಿ ಗ್ರಾಮ ಪಂಚಾಯತ್ ಅಧ್ಯಕ್ಷ ಯು. ಸತ್ಯನಾರಾಯಣ ಶೇರುಗಾರ್ ಜೆರ್ಸಿ ಅನಾವರಣಗೊಳಿಸಿ ತಂಡಕ್ಕೆ ಶುಭಹಾರೈಸಿದರು.

ಈ ಸಂದರ್ಭದಲ್ಲಿ ಶ್ರೀರಾಮ್ ಕ್ರಿಕೆಟರ್ಸ್ ನ ಅಧ್ಯಕ್ಷ ಸುರೇಶ್ ಪೂಜಾರಿ, ಕಾರ್ಯದರ್ಶಿ ಶ್ರೀಕಾಂತ ಹೆಮ್ಮಾಡಿ, ತಂಡದ ಸದಸ್ಯರಾದ ಜಗನ್ನಾಥ್ ಪಡುಮನೆ, ವಿನಯ್, ಜಾಕ್ಸನ್, ಸುಕುಮಾರ್ ಹೆಮ್ಮಾಡಿ, ಚಂದ್ರಕಾಂತ್, ದಿನೇಶ್, ಆದಿತ್ಯ ಉಪಸ್ಥಿತರಿದ್ದರು.