ಬಸ್ರೂರು: ಸಂತ ಫಿಲಿಪ್ ನೇರಿ ಐ.ಸಿ.ಎಸ್.ಇ ಸೆಂಟ್ರಲ್ ಶಾಲೆ ಪ್ರಾರಂಭೋತ್ಸವ 

ಬಸ್ರೂರು: ಬಸ್ರೂರಿನ ಸಂತ ಫಿಲಿಪ್ ನೇರಿ ಐ.ಸಿ.ಎಸ್.ಇ ಸೆಂಟ್ರಲ್ ಶಾಲೆಯಲ್ಲಿ ನೂತನ ಶೈಕ್ಷಣಿಕ ವರ್ಷದ ಪುನರಾರಂಭ ನಡೆಯಿತು.
ಶಾಲಾ ಜಂಟಿ ಕಾರ್ಯದರ್ಶಿ ವಂದನೀಯ ಧರ್ಮಗುರುಗಳಾದ ರಾಯ್ ಲೋಬೋ ಅಧ್ಯಕ್ಷತೆ ವಹಿಸಿದ್ದರು. ಶಾಲಾ ಪ್ರಾಂಶುಪಾಲರಾದ ಧರ್ಮಗುರು ಡ್ಯಾನ್ಸಿ ಸುನೀಲ್ ಮಾರ್ಟಿಸ್, ಶಾಲಾ ಸಂಯೋಜಕಿ ಸಿಸ್ಟರ್ ಶಾಂತಿ ಪ್ರಮೀಳ ಡಿಸೋಜಾ ಹಾಗೂ ಶ್ರೀಮತಿ ಸುಜಾತ ಹಾಗೂ ಸಹ ಶಿಕ್ಷಕಿಯರಿಂದ ಶಾಲಾ ಪುನಾರಾರಂಭಕ್ಕೆ ಜ್ಞಾನದ ಸಂಕೇತವಾದ ಪುಸ್ತಕದೊಂದಿಗೆ ಜ್ಯೋತಿಯನ್ನು ಬೆಳಗುವುದರ ಮೂಲಕ ಚಾಲನೆ ನೀಡಲಾಯಿತು.

ಪ್ರತಿಯೊಬ್ಬರಿಗೂ ಹೊಸ ಆರಂಭ ಉತ್ತಮ ಭವಿಷ್ಯದತ್ತ ಸಾಗುವ ಅವಕಾಶವಿದೆ ಮತ್ತು ಎಲ್ಲರೂ ಚೈತನ್ಯದಿಂದ ಅಧ್ಯಯನದಲ್ಲಿ ತೊಡಗಿಸಿಕೊಂಡು ತಮ್ಮ ಗುರಿಯನ್ನು ಸಾಧಿಸಬೇಕು ಎಂದು ಮಕ್ಕಳಿಗೆ ಹರಸುತ್ತ ಜ್ಯೋತಿಯನ್ನು ಬೆಳಗುವುದರೊಂದಿಗೆ ಕಾರ್ಯಕ್ರಮವನ್ನು ಉದ್ಘಾಟಿಸಲಾಯಿತು. ಎಲ್ಲಾ ಶಿಕ್ಷಕರು, ಮಕ್ಕಳು ಶಾಲಾ ಸಿಬ್ಬಂದಿಗಳು ಕಾರ್ಯಕ್ರಮದಲ್ಲಿ ಉಪಸ್ಥಿತರಿದ್ದರು.