ವಿಜಯ ಮಕ್ಕಳ ಕೂಟ ಆಂಗ್ಲ ಮಾಧ್ಯಮ ಶಾಲೆಯಲ್ಲಿ ವಿದ್ಯಾರ್ಥಿ ಸಂಸತ್ತು ಉದ್ಘಾಟನೆ, ಪದಗ್ರಹಣ

vandse: ವಿಜಯ ಮಕ್ಕಳ ಕೂಟ ಆಂಗ್ಲ ಮಾಧ್ಯಮ ಶಾಲೆ ಆತ್ರಾಡಿಯಲ್ಲಿ ಜು.7ರಂದು ವಿದ್ಯಾರ್ಥಿ ಸಂಸತ್ತು ಉದ್ಘಾಟಿಸಲಾಯಿತು.

ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಸಂಸ್ಥೆಯ ಸಂಚಾಲಕರಾದ ಸುಭಾಶ್ಚಂದ್ರ ಶೆಟ್ಟಿ ವಹಿಸಿದ್ದರು. ಕಾರ್ಯಕ್ರಮವನ್ನು ಉದ್ಘಾಟನೆಯನ್ನು ವಂಡ್ಸೆ ಗ್ರಾಮ ಪಂಚಾಯತ್ ಮಾಜಿ ಅಧ್ಯಕ್ಷರಾದ ಉದಯ್ ಕುಮಾರ್ ಶೆಟ್ಟಿ ಅಡಿಕೆಕೊಡ್ಲು ನೆರವೇರಿಸಿ, ಪ್ರಜಾಪ್ರಭುತ್ವದಲ್ಲಿ ಒಳ್ಳೆಯ ನಾಯಕನಾಗಲು ಶಾಲಾ ಹಂತದಲ್ಲಿಯೇ ನಾಯಕತ್ವವನ್ನು ಬಳಸಿಕೊಳ್ಳಬೇಕು ಎಂದು ಕಿವಿಮಾತುಗಳನ್ನಾಡಿದರು.

ಮುಖ್ಯ ಅತಿಥಿಯಾಗಿ ಪತ್ರಕರ್ತ ಸುಧಾಕರ ವಕ್ವಾಡಿ ಭಾಗವಹಿಸಿ, ಒಳ್ಳೆಯ ನಾಯಕ, ರಾಜಕೀಯ ವ್ಯವಸ್ಥೆ, ಶಿಸ್ತು, ಸಂಯಮ ಕುರಿತು ಉಪನ್ಯಾಸ ನೀಡಿದರು.

ಶಾಲಾ ವಿದ್ಯಾರ್ಥಿ ನಾಯಕಿಯಾಗಿ ತನ್ನಿ ಶೆಟ್ಟಿ, ಉಪನಾಯಕನಾಗಿ ಅನ್ವಿತ್ ಶೆಟ್ಟಿ ಅಧಿಕಾರ ಸ್ವೀಕರಿಸಿದರು. ಅವರೊಂದಿಗೆ ಸೃಜನ್ 10 ನೇ ತರಗತಿ, ಕೃತಿ 10ನೇ ತರಗತಿ, ಶರಣ್ಯ ಶೆಟ್ಟಿ 10ನೇ ತರಗತಿ, ರಿಷಿ 9ನೇ ತರಗತಿ, ಪ್ರಥ್ವಿ 9ನೇ ತರಗತಿ, ದಿಶಾಂತ್ 9ನೇ ತರಗತಿ, ಸಂತೃಪ್ತಿ 9ನೇ ತರಗತಿ, ಶನ್ವಿತ್ 9ನೇ ತರಗತಿ, ಪ್ರತಿಕ್ಷ 9ನೇ ತರಗತಿ, ಶ್ರೀಶಾ 10ನೇ ತರಗತಿ ಬೇರೆ ಬೇರೆ ಮಂತ್ರಿಗಳಾಗಿ ಅಧಿಕಾರ, ಪ್ರಮಾಣ ವಚನ ಸ್ವೀಕರಿಸಿದರು.

ಸಂಸ್ಥೆಯ ಮುಖ್ಯೋಪಾಧ್ಯಾಯಿನಿ ದೀಪಿಕಾ ಸುಭಾಶ್ ಸ್ವಾಗತಿಸಿದರು. ದೀಪ್ತಿ ಶೆಟ್ಟಿ, ಸನ್ನಿದಿ ಮೊಗವೀರ ಕಾರ್ಯಕ್ರಮ ನಿರೂಪಿಸಿದರು. ಸಾನ್ವಿ ವಂದಿಸಿದರು.