ಮಂತ್ರಾಲಯದಲ್ಲಿ ವಂಡ್ಸೆ ಶ್ರೀ ರಾಘವೇಂದ್ರ ಭಜನಾ ಮಂಡಳಿಯವರಿಂದ ಭಜನಾ ಸೇವೆ

ಕುಂದಾಪುರ: ಮಂತ್ರಾಲಯ ಶ್ರೀ ರಾಘವೇಂದ್ರ ಸ್ವಾಮಿಗಳ ಸನ್ನಿಧಿಯಲ್ಲಿ ವಂಡ್ಸೆ ಶ್ರೀ ರಾಘವೇಂದ್ರ ಭಜನಾ ಮಂಡಳಿ ಸದಸ್ಯರು ಜೂ.28ರಂದು ಭಜನಾ ಸೇವೆ ನೀಡಿದರು.

ಮಂತ್ರಾಲಯದಲ್ಲಿ ಸೇವೆ ನೀಡಿದ ತಂಡದಲ್ಲಿ ಸುಧೀಂದ್ರ ಆಚಾರ್ಯ, ಆದಿತ್ಯ ಆಚಾರ್ಯ, ಕೌಶಲ್ ಆಚಾರ್ಯ, ಭಾಗ್ಯರಾಜ್ ಆಚಾರ್ಯ, ಶಶಿಕಿರಣ್ ಆಚಾರ್ಯ ಇದ್ದರು.

ವಂಡ್ಸೆಯ ಶ್ರೀ ರಾಘವೇಂದ್ರ ಭಜನಾ ಮಂಡಳಿ ಸುಮಾರು 50ವರ್ಷಕ್ಕೂ ಹೆಚ್ಚಿನ ಇತಿಹಾಸವಿದೆ. ಪ್ರತೀ ಗುರುವಾರ ರಾಘವೇಂದ್ರ ಸ್ವಾಮಿ ಮಂದಿರದಲ್ಲಿ ಹಾಗೂ ಪ್ರತೀ ಶನಿವಾರ ಸಂಜೆ ವಂಡ್ಸೆಯ ತಿರುಮಲ ಲಕ್ಷ್ಮೀವೆಂಕಟರಮಣ ದೇವಸ್ಥಾನದಲ್ಲಿ ಭಜನಾ ಕಾರ್ಯಕ್ರಮ ನಡೆಸಿಕೊಡುತ್ತಿದ್ದಾರೆ. ಬೇರೆ ಬೇರೆ ಕಾರ್ಯಕ್ರಮಗಳಲ್ಲಿ ಭಜನಾ ಕಾರ್ಯಕ್ರಮ ನೀಡುತ್ತಿದ್ದು ಪ್ರಸಿದ್ಧ ಭಜನಾ ತಂಡವಾಗಿ ಗುರುತಿಸಿಕೊಂಡಿದೆ.