ಶ್ರೀ ಚಿಕ್ಕಮ್ಮ ದೇವಿ ಯುವಕ ಮಂಡಲ (ರಿ) ಕಕ್ಕೇರಿ ಕಾಳಾವರ 15ನೇ ವರ್ಷದ ಗಣೇಶೋತ್ಸವ ಸಮಾರಂಭ

ಜನಪ್ರತಿನಿಧಿ (ಕಾಳಾವರ) : ಶ್ರೀ ಚಿಕ್ಕಮ್ಮ ದೇವಿ ಯುವಕ ಮಂಡಲ (ರಿ) ಕಕ್ಕೇರಿ ಕಾಳಾವರ 15ನೇ ವರ್ಷದ ಗಣೇಶೋತ್ಸವ ಸಮಾರಂಭದಲ್ಲಿ ಸಾಮಾಜಿಕ ಕಾರ್ಯಕರ್ತರನ್ನು ಸನ್ಮಾನಿಸಲಾಯಿತು.

ಸಮಾರಂಭದ ಅಧ್ಯಕ್ಷತೆಯನ್ನು ಉಪನ್ಯಾಸಕ ಕಾಳಾವರ ಉದಯ ಕುಮಾರ ಶೆಟ್ಟಿ ವಹಿಸಿದ್ದರು. ಮುಖ್ಯ ಅತಿಥಿಗಳಾಗಿ ಕಾಳಾವರ ಗ್ರಾಮ ಪಂಚಾಯತ್ ಅಧ್ಯಕ್ಷ ಮಂಜುನಾಥ ಶೆಟ್ಟಿಗಾರ, ನಿವೃತ್ತ ಸಹಾಯಕ ಯುವಜನ ಸೇವಾ ಕ್ರೀಡಾಧಿಕಾರಿ ದಯಾನಂದ ಹೆಗ್ಡೆ, ನಿಕಟ ಪೂರ್ವ ಗ್ರಾಮ ಪಂಚಾಯತ್ ಉಪಾಧ್ಯಕ್ಷ ರಾಮಚಂದ್ರ ನಾವಡ ಕಾಳಾವರ ಗ್ರಾಮ ಪಂಚಾಯತ್ ಮಾಜಿ ಅಧ್ಯಕ್ಷೆ ಲಲಿತಾ ಕಕ್ಕೇರಿ ಉಪಸ್ಥಿತರಿದ್ದು ಕಾರ್ಯಕ್ರಮಕ್ಕೆ ಶುಭ ಹಾರೈಸಿದರು.

ಈ ಸಂದರ್ಭದಲ್ಲಿ ಪಂಚಾಯತ್ ಅಧ್ಯಕ್ಷರಾದ ಮಂಜುನಾಥ ಶೆಟ್ಟಿಗಾರ 15 ವರ್ಷದಿಂದ ಗಣೇಶೋತ್ಸವ ಪೂಜೆ ಮಾಡಿದ ಅರ್ಚಕರಾದ ಸೂರ್ಯನಾರಾಯಣ ಹೇರ್ಳೆ, ಕಾಳಾವರ ಗ್ರಾಮದ ಆಶಾ ಕಾರ್ಯಕರ್ತೆಯರಾದ ಪ್ರೇಮ, ಸುಜಾತ, ರೇಣುಕಾ ಜೋಗಿ ಮತ್ತು ಸಮುದಾಯ ಆರೋಗ್ಯ ಅಧಿಕಾರಿ ಪ್ರಶಾಂತ ಇವರನ್ನು ಸಮಿತಿಯ ಪರವಾಗಿ ಸನ್ಮಾನಿಸಿದರು.

ಯುವಕ ಮಂಡಲದ ಅಧ್ಯಕ್ಷ ಸಂದೀಪ ಕೆ ಅತಿಥಿಗಳನ್ನು ಗೌರವಿಸಿದರು. ಗಣೇಶೋತ್ಸವ ಸಮಿತಿ ಸದಸ್ಯ ಬಸವ ಕುಲಾಲ ಸ್ವಾಗತಿಸಿದರು. ವಿಶ್ಲೇಶ ಧನ್ಯವಾದ ಸಮರ್ಪಿಸಿದರು. ನಿತ್ಯಾನಂದ ದೇವಾಡಿಗ ಕಾರ್ಯಕ್ರಮ ನಿರೂಪಿಸಿದರು. ಸಭಾ ಕಾರ್ಯಕ್ರಮದ ಬಳಿಕ ಸ್ಥಳೀಯ ಮಕ್ಕಳಿಂದ ನೃತ್ಯ ಮತ್ತು ಯುವಕ ಮಂಡಳ ಸದಸ್ಯರಿಂದ ನಾಟಕ ನಡೆಯಿತು.