ಕಕ್ಕುಂಜೆ : ಯಕ್ಷಗಾನ ಕಲಾವಿದರಾದ ತೊಂಬಟ್ಟು ವಿಶ್ವನಾಥ ಆಚಾರ್ಯ, ಉಳ್ಳೂರು ಶಂಕರ ನಾಯ್ಕ ಅವರಿಗೆ ಸನ್ಮಾನ

ಹಾಲಾಡಿ: ಕಕ್ಕುಂಜೆ ಗ್ರಾಮದ ಶೇರ್ಡಿ ಕಂಡಿಮಕ್ಕಿ ಕುಟುಂಬಸ್ಥರ ಶ್ರೀ ವರ್ತೆ ಪಂಜುರ್ಲಿ ದೈವಸ್ಥಾನದಲ್ಲಿ ಇತ್ತೀಚೆಗೆ ನಡೆದ ಪ್ರಥಮ ವರ್ಷದ ವರ್ಧಂತಿ ಉತ್ಸವದ ಪ್ರಯುಕ್ತ ಧಾರ್ಮಿಕ ಕಾರ್ಯಕ್ರಮಗಳು ವೆ.ಬ್ರ. ಕಕ್ಕುಂಜೆ ಶ್ರೀಪತಿ ಭಟ್ಟರ ನೇತೃತ್ವದಲ್ಲಿ ನಡೆಯಿತು. ರಾತ್ರಿ  ಹಾಲಾಡಿ ಮೇಳದವರಿಂದ ಯಕ್ಷಗಾನ ಕಾರ್ಯಕ್ರಮ ನಡೆಯಿತು. ಈ ಸಂದರ್ಭದಲ್ಲಿ ಯಕ್ಷ ಮಂದಾರ ಯಕ್ಷಾಭಿಮಾನಿ ಬಳಗ ಹಾಲಾಡಿ ಇವರು ಹಾಲಾಡಿ ಮೇಳದ ಕಲಾವಿದರಾದ ತೊಂಬಟ್ಟು ವಿಶ್ವನಾಥ ಆಚಾರ್ಯ ಮತ್ತು ಉಳ್ಳೂರು ಶಂಕರ ನಾಯ್ಕ ಅವರನ್ನು ಸನ್ಮಾನಿಸಲಾಯಿತು.

ಈ ಸಂದರ್ಭದಲ್ಲಿ ಹಾಲಾಡಿ ಸರ್ವೋತ್ತಮ ಹೆಗ್ಡೆ, ಹಾಲಾಡಿ ಅಮರನಾಥ ಶೆಟ್ಟಿ, ಹಾಲಾಡಿ ಜ್ಞಾನೇಶ ಶೆಟ್ಟಿ, ಶೇಖರ ಶೆಟ್ಟಿ ವಡ್ಡಮೇಶ್ವರ, ಚಂದ್ರಶೇಖರ ಶೆಟ್ಟಿ ಕಂಡಿಮಕ್ಕಿ ಉಪಸ್ಥಿತರಿದ್ದರು.

ಅಮೃತಾ ಶೆಟ್ಟಿ ಸನ್ಮಾನ ಪತ್ರವನ್ನು ವಾಚಿಸಿದರು. ಯಕ್ಷ ಮಂದಾರದ ಹಾಲಾಡಿ ಸಂತೋಷ ಶೆಟ್ಟಿ ಕಾರ್ಯಕ್ರಮವನ್ನು ನಿರೂಪಿಸಿ, ವಂದಿಸಿದರು.