ಪಾರ್ವತಿ ಜಿ ಐತಾಳ್ ಅವರ ನಾಟಕ ಕೃತಿ ಬಿಡುಗಡೆ

ಜನಪ್ರತಿನಿಧಿ (ಉಡುಪಿ) :  ಇಲ್ಲಿನ ಪ್ರತಿಷ್ಠಿತ ನಾಟಕ ಸಂಸ್ಥೆ ರಂಗಭೂಮಿಯ ೪೪ನೆಯ ರಾಜ್ಯ ಮಟ್ಟದ ನಾಟಕ ಸ್ಪರ್ಧೆಯ ಆರನೆಯ ದಿನ ರಂಗಾಸಕ್ತ ಪ್ರೇಕ್ಷಕರ ಸಮ್ಮುಖದಲ್ಲಿ ಖ್ಯಾತ ಲೇಖಕಿ ಪಾರ್ವತಿ ಜಿ.ಐತಾಳ್ ಅವರ  ‘ ಮಹಾಬೆಳಗು ಮತ್ತು ಇತರ ನಾಟಕಗಳು ‘  ಎಂಬ ಕೃತಿಯನ್ನು ರಂಗಭೂಮಿಯ ಅಧ್ಯಕ್ಷ ರಾದ ಡಾ.ತಲ್ಲೂರು ಶಿವರಾಮ ಶೆಟ್ಟಿ,   ಉಪಾಧ್ಯಕ್ಷ ಭಾಸ್ಕರ ರಾವ್ ಕಿದಿಯೂರು,  ಪ್ರಧಾನ ಕಾರ್ಯದರ್ಶಿ ಪ್ರದೀಪಚಂದ್ರ ಕುತ್ಪಾಡಿ, ಜೊತೆ ಕಾರ್ಯದರ್ಶಿ ಶ್ರೀಪಾದ ಹೆಗಡೆ,ಮತ್ತು ನಾಟಕ ಸ್ಪರ್ಧೆಯ ತೀರ್ಪುಗಾರರಾದ ಎಂ.ಎಸ್.ಭಟ್, ಲಕ್ಷ್ಮಿನಾರಾಯಣ ಭಟ್ಟ, ಶ್ರೀನಿವಾಸ ಭಾಗ್ವತ್ , ಸತೀಶ್ ತಿಪಟೂರು ಮತ್ತು ವಿನಾಯಕ ಭಟ್ ಬಿಡುಗಡೆಗೊಳಿಸಿ ಕೃತಿಗೆ ಶುಭ ಹಾರೈಸಿದರು.

ಕೃತಿಕಾರ್ತಿ ಪಾರ್ವತಿ ಐತಾಳ್ ನಾಟಕಗಳ  ಹಿನ್ನೆಲೆಯನ್ನು ವಿವರಿಸಿ ಕೃತಿಯನ್ನು ಪರಿಚಯಿಸಿದರು. ಅಧ್ಯಕ್ಷರು ಲೇಖಕಿಯನ್ನು ಅಭಿನಂದಿಸಿ ಸನ್ಮಾನಿಸಿದರು.