ಶಿಕ್ಷಕ ಸತೀಶ್ ಹಾಲ್ಕಲ್ ಇವರಿಗೆ ಸನ್ಮಾನ

ಕುಂದಾಪುರ: ಹೊಸನಗರ ತಾಲೂಕಿನ ಉತ್ತಮ ಶಿಕ್ಷಕ ಪ್ರಶಸ್ತಿ ಪುರಸ್ಕೃತ ಶಿಕ್ಷಕ ಸತೀಶ ಹಾಲ್ಕಲ್ ಇವರನ್ನು ಕುಂದಾಪುರದ ಜೆ.ಕೆ ಸಭಾಂಗಣದಲ್ಲಿ ಉಡುಪಿ ಜಿಲ್ಲೆಯ ಶ್ರೀ ಗುರುದೇವ ಶಿಕ್ಷಕರ ಮಿತ್ರ ಬಳಗದಿಂದ ಸನ್ಮಾನಿಸಲಾಯಿತು.

ಈ ಸಂದರ್ಭದಲ್ಲಿ ಸುನೀಲ್ ಶೆಟ್ಟಿ ಅಂಪಾರು, ಅಂಪಾರು ಪ್ರಶಾಂತ್ ಶೆಟ್ಟಿ, ಪ್ರತಾಪ ಶೆಟ್ಟಿ, ಅನಿಲ್ ಕೊಕ್ಕರ್ಣೆ, ರಾಜೇಶ ಪಡುಕೋಣೆ, ಲಕ್ಷ್ಮಣ ಮಂಜೇಶ್ವರ್ ಉಪಸ್ಥಿತರಿದ್ದರು.

ಆರೋಗ್ಯ ಇಲಾಖೆಯ ಅಧೀಕ್ಷಕ ಕಿರಣ್ ಕುಮಾರ ಶೆಟ್ಟಿ ಸನ್ಮಾನಿತರ ಪರಿಚಯಿಸಿದರು. ಉದಯ ಕುಮಾರ್ ಬೈಂದೂರು ಸ್ವಾಗತಿಸಿದರು. ಮಹೇಶ ವಕ್ವಾಡಿ ಕಾರ್ಯಕ್ರಮ ನಿರ್ವಹಿಸಿ, ಉದಯ ಬಳ್ಕೂರ್ ವಂದಿಸಿದರು.