ಅಂತರಾಷ್ಟ್ರೀಯ ಮಟ್ಟದ ಕರಾಟೆ ಚಾಂಪಿಯನ್ ಶಿಫ್‌ನಲ್ಲಿ ಸ್ವಾತಿ ಎಸ್ ಪೂಜಾರಿಗೆ ಗೆಲುವು

ಬೆಂಗಳೂರು: ಓಕಿನವ ಡ್ರಾಗನ್ ಮಾರ್ಷಿಯಲ್ ಆರ್ಟ್ಸ್ ಫೆಡರೇಶನ್ ಸಂಸ್ಥೆಯ ವತಿಯಿಂದ ಮಲೇಷ್ಯಾದ ಇಂದ್ರ ಮುಲಿಯಾ, ಇಪೋಹ್ ಪೆರಾಕ್ ಕ್ರೀಡಾಂಗಣದಲ್ಲಿ ನಡೆದ ಅಂತರಾಷ್ಟ್ರೀಯ ಓಕಿನಾವಾ ಗೊಜು ರ್ಯು ಇಪೋಹ್ ಸಿಟಿ, ಕರಾಟೆ ಚಾಂಪಿಯನ್ ಶಿಫ್‌ನಲ್ಲಿ ಸ್ವಾತಿ ಎಸ್. ಪೂಜಾರಿ ಜಯ ಗಳಿಸಿದ್ದಾರೆ.

ದಿಲೀಪ್ ಕುಮಾರ್ ಎಚ್.ಎಂ ರವರ ನೇತೃತ್ವದಲ್ಲಿ ಸ್ವಾತಿ ಪೂಜಾರಿ ಸ್ಪರ್ಧೆಯಲ್ಲಿ ಭಾಗವಹಿಸಿದ್ದಾರೆ. ಸ್ವಾತಿ ಪೂಜಾರಿ ಬೈಂದೂರಿನ ಸುರೇಶ್ ಪೂಜಾರಿ, ಮತ್ತು ಚಂದ್ರಿಕಾ ಸುರೇಶ್ ಪೂಜಾರಿಯವರ ಪುತ್ರಿ.

ಈ ಪಂದ್ಯಾವಳಿ ಮೇ 24ನೇ ರಿಂದ 31ನೇ ಮೇ 2022 ರವರೆಗೆ ಮಲೇಷ್ಯಾದಲ್ಲಿ ನಡೆದಿತ್ತು. ಸ್ವಾತಿ ಎಸ್. ಪೂಜಾರಿ ಅವರು ಭಾರತವನ್ನು ಪ್ರತಿನಿಧಿಸಿ ಗೆಲುವು ಸಾಧಿಸಿದ್ದಾರೆ.

ಸ್ವಾತಿ ಎಸ್. ಪೂಜಾರಿ ಈಗಾಗಲೇ ಕರಾಟೆಯಲ್ಲಿ ಸಾಕಷ್ಟು ಸಾಧನೆ ಮಾಡಿದ್ದು, ರಾಜ್ಯ, ರಾಷ್ಟ್ರ ಮಟ್ಟದಲ್ಲಿ ಹಲವಾರು ಪ್ರಶಸ್ತಿಗಳನ್ನು ತನ್ನದಾಗಿಸಿಕೊಂಡಿದ್ದಾರೆ.