ಲಯನ್ಸ್ ಕ್ಲಬ್ ಕುಂದಾಪುರ ಅಮೃತಧಾರ ಉದ್ಘಾಟನೆ, ಸನದು ಪ್ರದಾನ

ಕುಂದಾಪುರ: ಸಮಾಜ ಸೇವಾಸಕ್ತ ಮಹಿಳೆಯರನ್ನು ಒಳಗೊಂಡ ಸರಸ್ವತಿ ಗಣೇಶ ಪುತ್ರನ್ ಇವರ ಅಧ್ಯಕ್ಷತೆಯಲ್ಲಿ ನೂತನ ಲಯನ್ಸ್ ಕ್ಲಬ್ ಕುಂದಾಪುರ ಅಮೃತಧಾರದ ಉದ್ಘಾಟನಾ ಕಾರ್ಯಕ್ರಮ ಜೂ.24ರಂದು ಸರಳವಾಗಿ ನಡೆಯಿತು.

ಲಯನ್ಸ್ ಜಿಲ್ಲೆ ಪ್ರಥಮ ಮಹಿಳೆ ಸಂಧ್ಯಾ ಹೆಗಡೆಯವರು ಉದ್ಘಾಟಿಸಿದರು. ಕೋಟೇಶ್ವರ ಲಯನ್ಸ್ ಕ್ಲಬ್ ಅಧ್ಯಕ್ಷೆ ರಮಾ ಬೋಳಾರ್ ಅಧ್ಯಕ್ಷತೆ ವಹಿಸಿದ್ದರು. ಲಯನ್ಸ್ ಜಿಲ್ಲಾ ಗವರ್ನರ್ ನೀಲಕಂಠ ಎಂ ಹೆಗಡೆ ಸನದು ಪ್ರದಾನ ಮಾಡಿ, ಲಯನ್ಸ್ ಸದಸ್ಯತ್ವ ಮಾಹಿತಿ, ಪದಾಧಿಕಾರಿಗಳ ಕರ್ತವ್ಯ ಮತ್ತು ಜವಾಬ್ದಾರಿಯ ಬಗ್ಗೆ ಮಾಹಿತಿ ನೀಡಿ ನೂತನ ಕ್ಲಬಿಗೆ ಶುಭಕೋರಿದರು.

ಕೋಟೇಶ್ವರ ಲಯನ್ಸ್ ಕಾರ್ಯದರ್ಶಿ ಜ್ಯೋತಿ ಶೆಟ್ಟಿ, ವಲಯಾಧ್ಯಕ್ಷ ಏಕನಾಥ್ ಬೋಳಾರ್, ವಿಸ್ತರಣಾಧಿಕಾರಿ‌ಅಕ್ಷಯ ಹೆಗ್ಡೆ ಮೊಳಹಳ್ಳಿ, ಸಂಪುಟ ಕಾರ್ಯದರ್ಶಿ ಟಿ.ಜಿ. ಆಚಾರ್ಯ, ರವಿರಾಜ ನಾಯಕ್, ರವೀಂದ್ರ ಜಿ. ಆಚಾರ್ಯ, ನೂತನ ಕ್ಲಬ್ ಅಧ್ಯಕ್ಷೆ ಸರಸ್ವತಿ ಗಣೇಶ್ ಪುತ್ರನ್, ಕಾರ್ಯದರ್ಶಿ ಜಯಶೀಲ ಕಾಮತ್, ಕೋಶಾಧಿಕಾರಿ ಮೇಘಾ ಭರತ್ ಉಪಸ್ಥಿತರಿದ್ದರು.