ಪುರಾಣ ಪುಣ್ಯ ಕತೆಗಳು, ಪ್ರಾಣಿ-ಪಕ್ಷಿಗಳ ನೀತಿ ಕತೆಗಳ ಮೂಲಕ ಮಕ್ಕಳಲ್ಲಿ ಉತ್ತಮ ಮೌಲ್ಯಗಳು ಹಾಗೂ ಸಂಸ್ಕಾರವನ್ನು ಬೆಳೆಸಿ – ಡಾ. ಪಾರ್ವತಿ ಜಿ. ಐತಾಳ್

ಪಡುಕೋಣೆಯ ಕೋಟೆಗುಡ್ಡೆ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಜರುಗಿದ ಶಾಲಾ ಪಾಲಕರ ಸಭೆಗೆ ಆಗಮಿಸಿದ ಖ್ಯಾತ ಇಂಗ್ಲಿಷ್, ಮಲಯಾಳಂ ಭಾಷಾ ಅನುವಾದಕರು, ಬರಹಗಾರರು, ಭಂಡಾರ್ಕಾರ್ಸ್ ಆರ್ಟ್ಸ್ ಅಂಡ್ ಸೈನ್ಸ್ ಕಾಲೇಜು ಕುಂದಾಪುರದ ನಿವೃತ್ತ ಪ್ರಾಧ್ಯಾಪಕರಾದ ಡಾ. ಪಾರ್ವತಿ ಜಿ. ಐತಾಳ್ ರವರು  ಪೋಷಕರಿಗೆ ಕಿವಿಮಾತು ನುಡಿದರು.
ಮಕ್ಕಳನ್ನು ಕೇವಲ ಬೆಳೆಸಿದರೆ ಸಾಲದು, ಅವರಲ್ಲಿ ಉನ್ನತ ಮೌಲ್ಯಗಳನ್ನು ಬೆಳೆಸಿ, ಸಮಾಜದ ಉತ್ತಮ ನಾಗರೀಕರನ್ನಾಗಿ ರೂಪಿಸಿ ಎಂದು ಕರೆ ನೀಡಿದರು.
ಇದೇ ಸಂದರ್ಭದಲ್ಲಿ ನಮ್ಮ ಶಾಲಾ ವಿದ್ಯಾರ್ಥಿನಿ, ಜಿಲ್ಲಾ ಹಾಗೂ ರಾಜ್ಯ ಮಟ್ಟದ ಚೆಸ್ ಪಂದ್ಯಾವಳಿಯಲ್ಲಿ ಗೆದ್ದು ಪ್ರಶಸ್ತಿ ಪಡೆದ, ಚದುರಂಗ ಪಟು, ಬಾಲ ಪ್ರತಿಭೆ ಬೇ. ಇತಿಹಾಸಿನಿ ಪಡುಕೋಣೆ ಇವಳನ್ನು ಡಾ. ಪಾರ್ವತಿ ಜಿ. ಐತಾಳ್ ರವರು ಶಾಲು ಹೊದೆಸಿ ಶುಭ ಹಾರೈಸಿದರು. ಶಾಲಾ ಎಸ್. ಡಿ. ಎಮ್. ಸಿ. ಅಧ್ಯಕ್ಷರಾದ ದಿನೇಶ್ ಪೂಜಾರಿ, ಶಾಲಾ ಅಭಿವೃದ್ಧಿ ಟ್ರಸ್ಟ್ ನ ಅಧ್ಯಕ್ಷರಾದ ಸುಬ್ರಹ್ಮಣ್ಯ ಪಡುಕೋಣೆ, sdmc ಉಪಾಧ್ಯಕ್ಷೆ ಪೂರ್ಣಿಮಾ, ಮುಖ್ಯ ಶಿಕ್ಷಕರಾದ ಆನಂದ ಜಿ., sdmc ಸದಸ್ಯರು ಹಾಗೂ ಅಧ್ಯಾಪಕ ವೃಂದದವರು ಉಪಸ್ಥಿತರಿದ್ದರು.
ಹಾಗೂ ಇದೇ ಸಂದರ್ಭದಲ್ಲಿ ಶಾಲಾ sdmc ಯಲ್ಲಿ ತೆರವಾದ 2 ಸ್ಥಾನಕ್ಕೆ ಸದಸ್ಯರಾಗಿ ಟೋನ್ ಡಿಸೋಜಾ ಹಡವು ಹಾಗೂ ರಾಘವೇಂದ್ರ ಗಾಣಿಗ ಇವರನ್ನು ಸರ್ವಾನುಮತದಿಂದ ಆಯ್ಕೆ ಮಾಡಲಾಯಿತು.