ಗಂಗೊಳ್ಳಿ: ಶ್ರೀ ವೀರೇಶ್ವರ ಮತ್ತು ಶ್ರೀ ಉಮಾಮಹೇಶ್ವರ ದೇವಾಲಯದ ಜೀರ್ಣೋದ್ದಾರ ಪ್ರಯುಕ್ತ ಶಿಲಾಪೂಜೆ

ಕುಂದಾಪುರ: ಸುಮಾರು 1200 ವರ್ಷಗಳ ಇತಿಹಾಸವಿರುವ ಪುರಾಣ ಪ್ರಸಿದ್ಧ ಗಂಗೊಳ್ಳಿಯ ಶ್ರೀ ವೀರೇಶ್ವರ ಮತ್ತು ಶ್ರೀ ಉಮಾಮಹೇಶ್ವರ ದೇವಾಲಯದ ಜೀರ್ಣೋದ್ಧಾರದ ಪ್ರಥಮ ಹಂತವಾಗಿ ದೇವಾಲಯದ ಅಡಿಗಲ್ಲಿನ ಶಿಲಾಪೂಜಾ ಕಾರ್ಯಕ್ರಮ ಜುಲೈ 27 ಸೋಮವಾರ ನಡೆಯಿತು.

ಅರ್ಚಕರಾದ ವೇ|ಮೂ|ರವೀಶ್ ಭಟ್ ನೇತೃತ್ವದಲ್ಲಿ ಧಾರ್ಮಿಕ ವಿಧಿವಿಧಾನ ನಡೆಯಿತು. ಈ ಸಂದರ್ಭದಲ್ಲಿ ಊರಿನ ಹತ್ತು ಸಮಸ್ತರು ಪಾಲ್ಗೊಂಡಿದ್ದರು. ಮೂಲತ ಪುತ್ತೂರಿನ ತಂತ್ರಿಗಳಾದ ಪ್ರೀತಂ ಪುತ್ತುರಾಯ ಅವರ ನೇತೃತ್ವದಲ್ಲಿ ಕೇರಳದ ಜ್ಯೋತಿಷ್ಯರಾದ ಕೆ ಆರ್.ಶರ್ಮ ಹಾಗೂ ವಿನಾಯಕ ಜೋಯಿಸ ಅವರು ಅಷ್ಟಮಂಗಲ ಚಿಂತನೆಯನ್ನು ನಡೆಸಿಕೊಟ್ಟಿದ್ದರು. ಸುಮಾರು ಅಂದಾಜು 10 ಕೋಟಿ ವೆಚ್ಚದಲ್ಲಿ ಶಿಲಾಮಯ ದೇಗುಲ ನಿರ್ಮಾಣ ಕಾರ್ಯ ನೆರವೇರಲಿದೆ.