ಎಲ್ಲೆಡೆ ಮೆಳೈಸುತ್ತಿರುವ ಕುಡುಬಿ ಹೋಳಿ ಹಬ್ಬದ ಕುಣಿತ| 47 ಕೂಡುಕಟ್ಟುಗಳ 3233 ಹೋಳಿ ವೇಷಧಾರಿಗಳು ಭಾಗಿ

ಕುಂದಾಪುರ: ಉಡುಪಿ ಜಿಲ್ಲೆಯ ಗ್ರಾಮೀಣ ಪ್ರದೇಶಗಳಲ್ಲಿ ಹೆಚ್ಚಾಗಿ ಕಂಡು ಬರುವ ಕುಡುಬಿ ಸಮುದಾಯದವರು ಪ್ರತಿ ವರ್ಷ ಆಚರಿಸಿಕೊಂಡು ಬಂದಿರುವ ಹೋಳಿ ಹಬ್ಬದ ಆಚರಣೆ ಶುಕ್ರವಾರದಿಂದ ಆರಂಭಗೊಂಡಿದೆ. ಎಲ್ಲೆಡೆ ಗುಮ್ಮಟೆ ಸದ್ದಿನೊಂದಿಗೆ ಹೋಳಿ ಹಬ್ಬದ ಕುಣಿತ ಮೆಳೈಸುತ್ತಿದ್ದು,ಮಾ 3 ನೇ ಮಂಗಳವಾರದ ತನಕ ಹೋಳಿ ಹಬ್ಬದ ಆಚರಣೆ ನಡೆಯಲಿದೆ.

ಉಡುಪಿ ಜಿಲ್ಲೆಯಲ್ಲಿ ಕಳೆದ ವರ್ಷ 46 ಕುಡುಬಿ ಹೋಳಿ ಕೂಡುಕಟ್ಟುಗಳಿದ್ದು, ಈ ಭಾರಿ ಕಜ್ಕೆ ಕಳ್ತೂರುಬೆಟ್ಟು ಸೇರ್ಪಡೆಯೊಂದಿಗೆ 47 ಕೂಡುಕಟ್ಟುಗಳನ್ನು ಹೊಂದಿದೆ, 41 ಕೂಡುಕಟ್ಟುಗಳಲ್ಲಿ ಹೋಳಿ ಅಚರಣೆ ನಡೆದಿದೆ. ಕೆಲವು ಹೋಳಿ ಕೂಡುಕಟ್ಟುಗಳು ಕಾರಣಾಂತರಗಳಿಂದ ಹೋಳಿ ಹಬ್ಬದ ಆಚರಣೆಯಲ್ಲಿ ಪಾಲ್ಗೊಂಡಿಲ್ಲ, 41 ಕುಡುಬಿ ಹೋಳಿ ಕೂಡುಕಟ್ಟುಗಳಿಂದ ಒಟ್ಟು 3233 ಹೋಳಿ ವೇಷಧಾರಿಗಳು ಆಚರಣೆಯಲ್ಲಿ ಪಾಲ್ಗೊಂಡಿದ್ದಾರೆ.