ಚಿತ್ತೂರು: ರಸ್ತೆಗೆ ಬಿದ್ದ ಮರ : ಕೆಲವೊತ್ತು ಸಂಚಾರ ವ್ಯತ್ಯಯ

ಕುಂದಾಪುರ: ಭಾರೀ ಗಾಳಿ ಮಳೆಗೆ ಚಿತ್ತೂರು-ಕೊಲ್ಲೂರು ಮುಖ್ಯರಸ್ತೆಗೆ ಅಡ್ಡವಾಗಿ ಬೃಹತ್ ಮರವೊಂದು ಸೋಮವಾರ ಬೆಳಿಗ್ಗೆ ಬಿದ್ದಿದ್ದು ಸಾಕಷ್ಟು ಹೊತ್ತು ಸಂಚಾರದಲ್ಲಿ ವ್ಯತ್ಯಯ ಉಂಟಾಯಿತು.

ಚಿತ್ತೂರು ಆನಂದ್ ಹಾರ್ಡ್‌ವೇರ್ ಹತ್ತಿರ ಬೃಹತ್ ಮರ ರಸ್ತೆಗೆ ಅಡ್ಡವಾಗಿ ಬಿದ್ದಿದ್ದು ಯಾವುದೇ ಅನಾಹುತ ಸಂಭವಿಸಿಲ್ಲ. ಕೊಲ್ಲೂರು ಮುಖ್ಯರಸ್ತೆ ಇದಾಗಿದ್ದರಿಂದ ಸಾಕಷ್ಟು ಹೊತ್ತು ಸಂಚಾರದಲ್ಲಿ ಸಮಸ್ಯೆಯಾಯಿತು.ವಿದ್ಯುತ್ ಕಂಬಗಳು ಧರೆಗೆ ಬಿದ್ದವು. ಸ್ಥಳೀಯರು ಹಾಗೂ ಇಲಾಖೆಯ ಸಿಬ್ಬಂದಿಗಳ ಮರವವನ್ನು ತೆರವುಗೊಳಿಸಿ ಸಂಚಾರಕ್ಕೆ ಅನುವು ಮಾಡಿಕೊಟ್ಟರು.