ಬಿಜೂರು: ಕೋಳಿ ಅಂಕಕ್ಕೆ ದಾಳಿ: ಐವರು ವಶಕ್ಕೆ

ಬೈಂದೂರು: ಜೂ.6ರಂದು ಬಿಜೂರು ಗ್ರಾಮ ಬಲವಾಡಿ ನವೋದಯ ಕಾಲೋನಿ ಸಮೀಪದ ಸರಕಾರಿ ಹಾಡಿ ಸಾರ್ವಜನಿಕ ಸ್ಥಳದಲ್ಲಿ ಕೋಳಿ ಅಂಕ ನಡೆಸುತ್ತಿದ್ದ ಸ್ಥಳಕ್ಕೆ ದಾಳಿ ನಡೆಸಿ ಕೋಳಿ ಅಂಕ ನಡೆಸುತ್ತಿದ್ದ ಐವರನ್ನು ವಶಕ್ಕೆ ಪಡೆಯಲಾಗಿದೆ.

ಕೋಳಿಗಳ ಕಾಲಿಗೆ ಹರಿತವಾದ ಬಾಳು ಕಟ್ಟಿ ಕೋಳಿ ಅಂಕ ನಡೆಸುತ್ತಿದ್ದಾರೆ ಎಂದು ಮಾಹಿತಿಯ ಮೆರೆಗೆ ತಿಮ್ಮೇಶ್ ಬಿ ಎನ್ ಪಿ ಎಸ್ ಐ ಬೈಂದೂರು ಇವರು ಸಿಬ್ಬಂದಿ ಹಾಗೂ ಪಂಚರೊಂದಿಗೆ ಕೋಳಿ ಅಂಕ ನಡೆಯುತ್ತಿರುವ ಸ್ಥಳಕ್ಕೆ ದಾಳಿ ನಡೆಸಿ ಕೋಳಿ ಅಂಕದಲ್ಲಿ ನಿರತರಾಗಿದ್ದವರು ಆಪಾದಿತರಾದ ಜಯದೀಪ (29) ಕಿರಿಮಂಜೇಶ್ವರ, ಮಧುಕರ (34) ಬಿಜೂರು, ಹೆರಿಯಣ್ಣ (42) ಬಿಜೂರು., ರಾಘವೇಂದ್ರ ದಾಸ್ (30) ಕಾಲ್ತೋಡು ,ಕೃಷ್ಣದಾಸ್ ಉಪ್ಪುಂದ ಚಂದ್ರ ಮರವಂತೆ. ಅಶೋಕ ಉಪ್ಪುಂದ, ರಾಘವೇಂದ್ರ ಹರಿಕೆರೆ ,ಮಹೇಶ್ ಬಿಜೂರು ,ಪಾಂಡುರಂಗ ನದಿಕಂಠ ಉಪ್ಪುಂದ ಇವರ ಪೈಕಿ 5 ಮಂದಿಯನ್ನು ವಶಕ್ಕೆ ಪಡೆದುಕೊಂಡು ಬಳಿಕ 5 ಕೋಳಿ ಹುಂಜಗಳನ್ನು ಹಾಗೂ ಕೋಳಿ ಅಂಕಕ್ಕೆ ಪಣವಾಗಿಟ್ಟ 1490 ಮತ್ತು 2 ಹರಿತವಾದ ಕೋಳಿ ಬಾಳು ಮತ್ತು 2 ದಾರಗಳನ್ನು ಮಹಜರು ಮೂಲಕ ಸ್ವಾಧೀನಪಡಿಸಿಕೊಂಡಿದ್ದಾರೆ.

ಬೈಂದೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.