ಕಕ್ಕುಂಜೆ: ವಿನಾಯಕ ಸಭಾಭವನ ಉದ್ಘಾಟನೆ

ಕುಂದಾಪುರ: ಕಕ್ಕುಂಜೆ ಗ್ರಾಮದ ಕಂಬಿಕಲ್ಲು ಶ್ರೀ ಮಹಾಗಣಪತಿ ದೇವಸ್ಥಾನದಲ್ಲಿ ವೇ ಮೂ. ದಿ! ಶಶಿಧರ ಭಟ್ಟರ ಸ್ಮರಣಾರ್ಥವಾಗಿ ನಿರ್ಮಾಣಗೊಂಡ ವಿನಾಯಕ ಸಭಾಭವನವನ್ನು ಮೇ 11 ರಂದು ಕುಂದಾಪುರ ಶಾಸಕರಾದ  ಕಿರಣ್ ಕುಮಾರ್ ಕೊಡ್ಗಿಯವರು ದೀಪ ಪ್ರಜ್ವಲಿಸುವ ಮೂಲಕ ಲೋಕಾರ್ಪಣೆಗೊಳಿಸಿದರು.

ವೇದಿಕೆಯಲ್ಲಿ ಕುಂದಾಪುರದ ಮಾಜಿ ಶಾಸಕರಾದ ಹಾಲಾಡಿ ಶ್ರೀನಿವಾಸ ಶೆಟ್ಟಿ, ದಾಂಡೇಲಿಯ ಉದ್ಯಮಿ ಪ್ರಕಾಶ ಶೆಟ್ಟಿ ಗೈನಾಡಿಮನೆ ಶೇರ್ಡಿ,ಕಕ್ಕುಂಜೆ ವಿಜಯ ಕುಮಾರ್ ಅಡಿಗ, ವಿಘ್ನೇಶ್ವರ ಭಟ್ ಕಂಬಿಕಲ್ಲು. ವೇ.ಬ್ರ.ಶ್ರೀಪತಿ ಭಟ್ ಉಪಸ್ಥಿತರಿದ್ದರು..

ಶಿಕ್ಷಕರಾದ ಶ್ರೀನಿವಾಸ ಆಚಾರ್ಯ ಕಕ್ಕುಂಜೆ ಕಾರ್ಯಕ್ರಮವನ್ನು ನಿರೂಪಣೆಗೈದರು. ಗೈನಾಡಿ ಪ್ರಕಾಶ ಶೆಟ್ಟಿ ಸ್ವಾಗತಿಸಿ, ನರೇಂದ್ರ ಶೆಟ್ಟಿ ವಂದಿಸಿದರು.

ನಂತರ ಕುಮಾರಿ ಭೂಮಿಕಾ ಇವರಿಂದ ಸಂಗೀತ ಕಾರ್ಯಕ್ರಮ , ಭಜನಾ ಕಾರ್ಯಕ್ರಮ ಮತ್ತು ಪ್ರಸಿದ್ಧ ಅರ್ಥದಾರಿಗಳಿಂದ ಶರಸೇತು ಬಂಧನ ಎಂಬ ಯಕ್ಷಗಾನ ತಾಳಮದ್ದಲೆ ಕಾರ್ಯಕ್ರಮ ನಡೆಯಿತು