ಏ.19ರಂದು ಕಮಲಶಿಲೆ ರಥೋತ್ಸವ

ಕುಂದಾಪುರ: ರಾಜ್ಯದ ಪ್ರಸಿದ್ಧ ಶಕ್ತಿಕ್ಷೇತ್ರ ಕಮಲಶಿಲೆ ಶ್ರೀ ಬ್ರಾಹ್ಮೀ ದುರ್ಗಾಪರಮೇಶ್ವರೀ ಅಮ್ಮನವರ ದೇವಸ್ಥಾನದಲ್ಲಿ ಶ್ರೀಮನ್ಮಹಾರಥೋತ್ಸವ ಏಪ್ರಿಲ್ 19ರಂದು ನಡೆಯಲಿದೆ.

ಶ್ರೀಮನ್ಮಹಾರಥೋತ್ಸವದ ಪ್ರಯುಕ್ತ ಧಾರ್ಮಿಕ ಕಾರ್ಯಕ್ರಮಗಳು ಏಪ್ರಿಲ್ 16ರಿಂದ ಆರಂಭಗೊಂಡು ಏಪ್ರಿಲ್ 21ರ ತನಕ ನಡೆಯಲಿದೆ. ಏ.16 ಬುಧವಾರ ಅಂಕುರಾರೋಪಣ, ಧ್ವಜಾರೋಹಣ, ರಾತ್ರಿ ಭೇರಿ ತಾಡನ, ಯಾಗಶಾಲಾ ಪ್ರವೇಶ, ಕೌತುಕ ಬಂಧನ, ಶಿಬಿಕಾಯನೋತ್ಸವ, ಏ.17ರಂದು ಗುರುವಾರ ಸಿಂಹವಾಹನೋತ್ಸವ, ಏ.18ರಂದು ಶುಕ್ರವಾರ ಮಹಾರಂಗಪೂಜೆ, ಪುಷ್ಪಕ ವಾಹನೋತ್ಸವ, ಏ.19 ಶನಿವಾರ ಶ್ರೀಮನ್ಮಹಾರಥೋತ್ಸವ, ಏ.20ರಂದು ಭಾನುವಾರ ಚೂರ್ಣೋತ್ಸವ, ಏ.21 ಸೋಮವಾರ ಪ್ರಾತಃ ಅವಭೃತ, ಮೃಗಯಾ ವಿಹಾರ, ಪೂರ್ಣಾಹುತಿ, ಧ್ವಜಾವರೋಹಣ, ಕುಂಭಾಭೀಷೇಕ ನಡೆಯಲಿದೆ ಎಂದು ದೇವಸ್ಥಾನದ ಅನುವಂಶಿಕ ಆಡಳಿತ ಮೊಕ್ತೇಸರರಾದ ಶೆಟ್ಟಿಪಾಲು ಸಚ್ಚಿದಾನಂದ ಚಾತ್ರ ಹಾಗೂ ಅನುವಂಶಿಕ ಮೊಕ್ತೇಸರಾದ ಆಜ್ರಿ ಚಂದ್ರಶೇಖರ ಶೆಟ್ಟಿ ತಿಳಿಸಿದ್ದಾರೆ.