ಬಗ್ವಾಡಿ ಬ್ರಹ್ಮರಥೋತ್ಸವ: ಕುಣಿತ ಭಜನೆ ಕಾರ್ಯಕ್ರಮ

ಕುಂದಾಪುರ: ಪುರಾಣ ಪ್ರಸಿದ್ಧ ಬಗ್ವಾಡಿ ಮಹಿಷಾಸುರಮರ್ದಿನಿ ದೇವಸ್ಥಾನದಲ್ಲಿ ಬ್ರಹ್ಮರಥೋತ್ಸವದ ಪ್ರಯುಕ್ತ ಏ.೧೦ಂದು ಆಹ್ವಾನಿತ ತಂಡಗಳಿಂದ ಕುಣಿತ ಭಜನೆ ಕಾರ್ಯಕ್ರಮ ನಡೆಯಿತು.

ಶ್ರೀ ಮಾಣಿ ಸಿದ್ಧಲಿಂಗೇಶ್ವರ ಭಜನಾ ಮಂಡಳಿ ಮೊವಾಡಿ, ಶ್ರೀರಾಮ ಮಿತ್ರ ಭಜನಾ ಮಂಡಳಿ ಯಳೂರು, ಜೈ ಶ್ರೀರಾಮ ಮಹಿಳಾ ಭಜನಾ ಮಂಡಳಿ ಕಂಚುಗೋಡು, ಶ್ರೀರಾಮ ಮಹಿಳಾ ಭಜನಾ ಮಂಡಳಿ ದಾಕುಹಿತ್ಲು ಗಂಗೊಳ್ಳಿ, ಶ್ರೀ ಅರೆಕಲ್ಲು ನಾಗಬ್ರಹ್ಮ ಭಜನಾ ಮಂಡಳಿ ತೊಪ್ಲು, ಶ್ರೀ ಭ್ರಮರಿ ಬೊಬ್ಬರ್ಯ ಮಹಿಳಾ ಭಜನಾ ಮಂಡಳಿ ಬಳ್ಕೂರು ತಂಡಗಳಿಂದ ಕುಣಿತ ಭಜನೆ ನಡೆಯಿತು.

ಈ ಸಂದರ್ಭದಲ್ಲಿ ಮೊಗವೀರ ಮಹಾಜನ ಸೇವಾ ಸಂಘ ಬಗ್ವಾಡಿ ಹೋಬಳಿ ಕುಂದಾಪುರ ಶಾಖಾಧ್ಯಕ್ಷ ಉದಯಕುಮಾರ್ ಹಟ್ಟಿಯಂಗಡಿ, ಕಾರ್ಯದರ್ಶಿ ಪ್ರಭಾಕರ ಸೇನಾಪುರ, ಪದಾಧಿಕಾರಿಗಳು, ಯುವ ಸಂಘಟನೆಯ ಅಧ್ಯಕ್ಷರು, ಕಾರ್ಯಕ್ರಮದ ಪ್ರಾಯೋಜಕರು ಉಪಸ್ಥಿತರಿದ್ದರು.