ಕರಾಟೆ ಚಾಂಪಿಯನ್ ಶಿಪ್: ರಾಕೇಶ ದೇವಾಡಿಗ ಪ್ರಥಮ

ಕುಂದಾಪುರ: ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ ತಲ್ಲೂರಿನ 6ನೇ ತರಗತಿ ವಿದ್ಯಾರ್ಥಿಯಾದ ರಾಕೇಶ ದೇವಾಡಿಗ ಮಾರನಮನೆ ಬೈಂದೂರಿನಲ್ಲಿ ನಡೆದ ರೈನ್ ಬೋ ಅಂತರರಾಷ್ಟ್ರೀಯ ಮುಕ್ತ ಕರಾಟೆ ಚಾಂಪಿಯನ್ ಶಿಪ್ ನ ಬ್ರೌನ್ ಬೆಲ್ಟ್ 12ರ ವಯೋಮಿತಿಯ ಕುಮಿಟಿ ವಿಭಾಗದಲ್ಲಿ ಪ್ರಥಮ ಮತ್ತು ಕಟಾ ವಿಭಾಗದಲ್ಲಿ ತೃತೀಯ ಸ್ಥಾನವನ್ನು ಪಡೆದಿದ್ದಾನೆ.

ಈತ ತಲ್ಲೂರು ಪಂಚಾಯತ್ ಸದಸ್ಯರಾದ ಚಂದ್ರ ದೇವಾಡಿಗ ಇವರ ಪುತ್ರನಾಗಿದ್ದು, ತಲ್ಲೂರಿನ ಅಂಬೇಡ್ಕರ್ ಭವನದಲ್ಲಿ ಮಂಜುನಾಥ ಗುಡ್ಡೆಯಂಗಡಿ ಇವರಲ್ಲಿ ತರಬೇತಿ ಪಡೆದಿದ್ದಾರೆ.