ಕುಂದಾಪುರ ತಾಲೂಕು ಆಡಳಿತದಿಂದ ಅಮರಶಿಲ್ಪಿ ಜಕಣಾಚಾರಿ ಜಯಂತಿ

ಜನಪ್ರತಿನಿಧಿ (ಕುಂದಾಪುರ) : ತಾಲೂಕು ಕಚೇರಿಯಲ್ಲಿ ಇಂದು(ಬುಧವಾರ) ಅಮರಶಿಲ್ಪಿ ಜಕಣಾಚಾರಿ ಜಯಂತಿಯನ್ನು ಆಚರಿಸಲಾಯಿತು.

ಅಮರಶಿಲ್ಪಿ ಜಕಣಾಚಾರಿ ಅವರ ಬಾವಚಿತ್ತಕ್ಕೆ ಹಾರ ಹಾಕಿ ಗೌರವ ಸಲ್ಲಿಸಲಾಯಿತು. ಉಪತಹಶೀಲ್ದಾರ ವಿನಯ್ ಮತ್ತು ಕುಂದಾಪುರ ವಿಶ್ವಬ್ರಾಹ್ಮಣ ಸಂಘದ ಅದ್ಯಕ್ಷರಾದ ವಡೇರಹೋಬಳಿ ಶ್ರೀದರ ಆಚಾರ್ಯ ಅವರು ದೀಪ ಬೆಳಗಿಸುವ ಮೂಲಕ ಕಾರ್ಯಕ್ರಮ ಉದ್ಘಾಟಿಸಿದರು.
ಸಭೆಯನ್ನು ಉದ್ದೇಶಿಸಿ ಮಾತನಾಡಿದ ವಡೇರಹೋಬಳಿ ಶ್ರೀಧರ ಆಚಾರ್ಯ, ಜಕಣಾಚಾರಿಯವರು ಇಡಿ ವಿಶ್ವದ ಒಂದು ಶ್ರೀಮಂತ ಕಲೆಯಾದ ಶಿಲ್ಪಕಲೆಯ ಮೂಲಕ ಜಗತ್ಪ್ರಸಿದ್ಧರು. ನಾವು ಅವರ ಜಯಂತಿಯನ್ನು ಆಚರಿಸಿ ಗೌರವ ಕೊಡುವುದು ಪುಣ್ಯದ ಕೆಲಸ ಎಂದರು.

ಇನ್ನು, ವಿಶ್ವಕರ್ಮ ಸಮುದಾಯದ ಪಂಚ ಕಸುಬು ಮಾಡುವ ಕುಶಲಕರ್ಮಿಗಳಿಗೆ ಸರಕಾರದ ವತಿಯಿಂದ ಪಿಂಚಣಿ ಸೌಲಭ್ಯ ದೊರಕಿಸಬೇಕು ಎಂದು ಅವರು ಒತ್ತಾಯಿಸಿದರು.

ಕುಂದಾಪುರ ತಾಲೂಕು ಗ್ಯಾರಂಟಿ ಸಮಿತಿ ಸದಸ್ಯರಾದ ಕೋಣಿ ನಾರಾಯಣ ಆಚಾರ್ಯ, ಸಂಘದ ಉಪಾದ್ಯಕ್ಷ ರಮಾನಂದ ಆಚಾರ್ಯ, ವೆಂಕಟೇಶ ಆಚಾರ್ಯ, ಅಶೋಕ ಆಚಾರ್ಯ, ಹಾಗೂ ತಾಲೂಕು ಆಡಳಿತದ ಪ್ರಮುಖ ಅಧಿಕಾರಿಗಳು ಉಪಸ್ಥಿತರಿದ್ದರು. ಉಪತಹಶೀಲ್ದಾರ ಚಂದ್ರಶೇಖರ್‌ ಧನ್ಯವಾದ ಸಮರ್ಪಿಸಿದರು.