ಹುಣ್ಣೆಮಕ್ಕಿ-ತೆಕ್ಕಟ್ಟೆಯಲ್ಲಿ ಮೆಸ್ಕಾಂ ನೂತನ ಶಾಖಾ ಕಛೇರಿ ಬೇಡಿಕೆಗೆ ಇಂಧನ ಸಚಿವರ ಸ್ಪಂದನೆ

ಎಂ. ದಿನೇಶ್‌ ಹೆಗ್ಡೆ ಮನವಿಗೆ ಸಚಿವ ಕೆ. ಜೆ ಜಾರ್ಜ್‌ ಸ್ಪಂದನೆ 

ಜನಪ್ರತಿನಿಧಿ (ಉಡುಪಿ/ಬೆಂಗಳೂರು) : ಮೆಸ್ಕಾಂ ಕುಂದಾಪುರ ವಿಭಾಗದಲ್ಲಿನ ಹುಣ್ಣೆಮಕ್ಕಿ-ತೆಕ್ಕಟ್ಟೆಯಲ್ಲಿ ನೂತನ ಶಾಖಾ ಕಛೇರಿ ತೆರೆಯುವ ಬಗ್ಗೆ ಕಾಂಗ್ರೆಸ್‌ ನಾಯಕ ದಿನೇಶ್‌ ಹೆಗ್ಡೆ ಮೊಳಹಳ್ಳಿ ಅವರು ನೀಡಿದ ಮನವಿಗೆ ರಾಜ್ಯ ಇಂಧನ ಸಚಿವ ಕೆ. ಜೆ ಜಾರ್ಜ್‌ ಪೂರಕವಾಗಿ ಸ್ಪಂದಿಸಿದ್ದಾರೆ.

ಉಡುಪಿ ಜಿಲ್ಲೆ, ಕುಂದಾಪುರ ವಿಧಾನಸಭಾ ಕ್ಷೇತ್ರದ ಕುಂದಾಪುರ ತಾಲ್ಲೂಕಿನ ಮೊಳಹಳ್ಳಿ, ಯಡಾಡಿ-ಮತ್ಯಾಡಿ, ಹೊಂಬಾಡಿ-ಮಂಡಾಡಿ, ಜಪ್ತಿ ಮತ್ತು ಕೂರ್ಗಿ ಸುತ್ತ-ಮುತ್ತಲಿನ ಗ್ರಾಮಗಳಿಗೆ ಸಂಬಂಧಿಸಿದ ಮೆಸ್ಕಾಮ ಶಾಖಾ ಕಛೇರಿಯು ಕುಂದಾಪುರದಲ್ಲಿದ್ದು, ಸಾರ್ವಜನಿಕರಿಗೆ ಶಾಖಾ ಕಛೇರಿಯನ್ನು ಸಂಪರ್ಕಿಸಿ ಸಮಸ್ಯೆಯನ್ನು ಸರಿಪಡಿಸಿಕೊಳ್ಳಲು ಅನಾನುಕೂಲವಾಗುತ್ತಿರುವ ಹಿನ್ನೆಲೆಯಲ್ಲಿ ಕುಂದಾಪುರ ವಿಭಾಗದಲ್ಲಿನ ಹುಣ್ಣೆಮಕ್ಕಿ-ತೆಕ್ಕಟ್ಟೆಯಲ್ಲಿ ನೂತನ ಶಾಖಾ ಕಛೇರಿ ತೆರೆಯಲು ಮಂಜೂರಾತಿ ನೀಡುವ ಕುರಿತಂತೆ ಕೋರಿ ಎಂ. ದಿನೇಶ್ ಹೆಗ್ಡೆ ಅವರು ಪತ್ರ ಬರೆದಿದ್ದರು. ಈ ಸಂಬಂಧಿಸಿದಂತೆ ಇಂಧನ ಸಚಿವ ಕೆ. ಜಾರ್ಜ್‌ ಈ ಬಗ್ಗೆ ಪರಿಶೀಲಿಸಿ ನಿಯಮಾನುಸಾರ ಅಗತ್ಯ ಕ್ರಮ ತೆಗೆದುಕೊಳ್ಳುವಂತೆ ಮಂಗಳೂರು ವಿದ್ಯುತ್‌ ಸರಬರಾಜು ಕಂಪೆನಿ ನಿಯಮಿತ ಮಂಗಳೂರು ಇದರ ವ್ಯವಸ್ಥಾಪಕ ನಿರ್ದೇಶಕರಿಗೆ ಸೂಚಿಸಿದ್ದಾರೆ.