ದ್ವಿತೀಯ ಪಿಯುಸಿಯಲ್ಲಿ ಸೃಜನ್ ಎಸ್ ಪದ್ಮಶಾಲಿಗೆ 97.5% ಅಂಕ

ಕುಂದಾಪುರ: 2021-22 ನೇ ಸಾಲಿನ ದ್ವಿತೀಯ ಪಿಯುಸಿ ಪರೀಕ್ಷೆಯಲ್ಲಿ ಕುಂದಾಪುರ ಸರಕಾರಿ ಪದವಿಪೂರ್ವ ಕಾಲೇಜಿನ ವಿದ್ಯಾರ್ಥಿ ಸೃಜನ್ ಎಸ್ ಪದ್ಮಶಾಲಿ ವಿಜ್ಞಾನ ವಿಭಾಗದಲ್ಲಿ 585 ಅಂಕಗಳೊಂದಿಗೆ 97.5 ಪ್ರತಿಶತ ಅಂಕ ಪಡೆದು ವಿಶಿಷ್ಟ ಶ್ರೇಣಿಯಲ್ಲಿ ಉತ್ತೀರ್ಣರಾಗಿದ್ದಾರೆ.

ಒಂದನೇ ತರಗತಿಯಿಂದಲೂ ಗ್ರಾಮೀಣ ಭಾಗದ ಸರಕಾರಿ ಮತ್ತು ಅನುದಾನಿತ ಶಾಲೆಯಲ್ಲೇ ಓದಿದ ಇವರು ಎಸ್.ಎಸ್.ಎಲ್.ಸಿ.ಯನ್ನು ಚಾರದ ನವೋದಯ ವಿದ್ಯಾಲಯದಲ್ಲಿ ಪೂರ್ಣಗೊಳಿಸಿದ್ದಾರೆ.

ಇವರು ಕರ್ನಾಟಕ ಪಬ್ಲಿಕ್ ಸ್ಕೂಲ್ ಬಿದ್ಕಲ್‌ಕಟ್ಟೆಯ ಅಧ್ಯಾಪಕರಾದ ಸತೀಶ್ ಶೆಟ್ಟಿಗಾರ್ ಹಾಗೂ ಜಪ್ತಿಯ ಆಶಾ ಕಾರ್ಯಕರ್ತೆ ಶ್ರೀಮತಿ ಪೂರ್ಣಿಮಾ ಇವರ ಪುತ್ರ.