500 ಎಕ್ರೆ ಭತ್ತದ ಸಸಿಮಡಿ ನರ್ಸರಿ ತಯಾರಿಗೆ ಚಾಲನೆ

ಕುಂದಾಪುರ, ಮೇ.27: ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ಬಿ.ಸಿ ಟ್ರಸ್ಟ್ – ಕೃಷಿ ವಿಭಾಗದ ಶ್ರೀ ಸಿದ್ಧವನ ನರ್ಸರಿ ಉಜಿರೆ ಇದರ ಸಂಯುಕ್ತ ಆಶ್ರಯದೊಂದಿಗೆ ಸಿದ್ಧವನ ಉಪ ನರ್ಸರಿಯ ಮೂಲಕ ಕಾಳಾವರ ಸುಜಿತ್ ಕುಮಾರ್ ಶೆಟ್ಟಿ ಯವರ 1ಎಕರೆ ಜಾಗದಲ್ಲಿ ಡಾ|ಡಿ.ವೀರೇಂದ್ರ ಹೆಗ್ಗಡೆಯವರ ಮಹತ್ವಕಾಂಕ್ಷಿ ಕಾರ್ಯಕ್ರಮವಾದ ಯಂತ್ರ ಶ್ರೀ ಯೋಜನೆಗೆ ಕುಂದಾಪುರ ತಾಲ್ಲೂಕು ಹಾಗೂ ಆಸುಪಾಸಿನ ತಾಲ್ಲೂಕುಗಳ ರೈತರಿಗೆ ಈ ಯೋಜನೆಯ ಮೂಲಕ ಭತ್ತದ ನಾಟಿ ಮಾಡಲು ಅನುಕೂಲವಾಗುವಂತೆ 500 ಎಕ್ರೆ ಗೆ ಬೇಕಾದ 50,000 ನರ್ಸರಿ ಟ್ರೇ ಸಸಿ ಮಡಿ ತಯಾರಿಗೆ ಈ ದಿನ ಉಡುಪಿ ವಿಭಾಗೀಯ ಸಿ.ಎಚ್.ಎಸ್.ಸಿ ಯೋಜನಾಧಿಕಾರಿ ಅಶೋಕ್ ರವರು ಬಿತ್ತನೆ ಬೀಜವನ್ನು ಟ್ರೇ ಗೆ ಬಿತ್ತನೆ ಬೀಜವನ್ನು ತುಂಬುವ ಮೂಲಕ ಚಾಲನೆ ಮಾಡಿದರು.

ಈ ನರ್ಸರಿಯಲ್ಲಿ ರೈತರಿಗೆ ಯಂತ್ರದ ಮೂಲಕ ಭತ್ತದ ಬೇಸಾಯ ಮಾಡಲು 1ಎಕ್ರೆ ಜಾಗಕ್ಕೆ ಬೇಕಾಗುವ ಎಂಓ 4 ತಳಿಯ 70 ರಿಂದ 80 ಟ್ರೇ(2×1 ಉದ್ಧ-ಅಗಲದ)ಗಳನ್ನು ರೈತರು ಮುಂಚಿತವಾಗಿ ಬುಕ್ಕಿಂಗ್ ಮಾಡಿದಲ್ಲಿ ಕ್ಲಪ್ತ ಸಮಯದಲ್ಲಿ ತಯಾರಿಸಿ ನೀಡಲಾಗುವುದು ಎಂದರು.

ಈ ಸಂದರ್ಭ ತಾಲ್ಲೂಕು ಕೃಷಿ ಅಧಿಕಾರಿ ಚೇತನ್ ಕುಮಾರ್, ವಲಯ ಮೇಲ್ವಿಚಾರಕರಾದ ನಾಗರಾಜ್ ಹೆಚ್, ಲೆಕ್ಕಪರಿಶೋಧಕರಾದ ಮದನ್, ಸೇವಾಪ್ರತಿನಿಧಿ ಶೇಖರ್ ದೇವಾಡಿಗ, ಯಂತ್ರ ಶ್ರೀ ಯೋಧರಾದ ಸುಜಿತ್ ಕುಮಾರ್ ಶೆಟ್ಟಿ, ಯಂತ್ರ ಚಾಲಕರಾದ ರಾಜಶೇಖರ್, ರೈತರಾದ ಭಾಸ್ಕರ್, ಆನಂದ್, ಸುಶೀಲಾ, ವನಜಾ, ಸರೋಜಾ ಮತ್ತು ಮತ್ತಿತರರು ಉಪಸ್ಥಿತರಿದ್ದರು.