ಹಿರಿಯ ಸಾಹಿತಿ, ನಿವೃತ್ತ ಉಪನ್ಯಾಸಕ ಕೋ.ಶಿವಾನಂದ ಕಾರಂತ ನಿಧನ

ಕುಂದಾಪುರ: ಹಿರಿಯ ಸಾಹಿತಿ, ನಿವೃತ್ತ ಉಪನ್ಯಾಸಕ, ಅಂಕಣಕಾರ ಕೋ.ಶಿವಾನಂದ ಕಾರಂತ (೮೦ವ) ಫೆ.೧೧ ಬುಧವಾರ ನಿಧನರಾದರು.

ವೆಂಕಟ ಸೀತಾರಾಮ ಕಾರಂತ ಮತ್ತು ಲಕ್ಷ್ಮೀ ದೇವಿ ದಂಪತಿಗಳ ಪುತ್ರರಾಗಿ ಆಗಸ್ಟ್ ೩೧-೧೯೪೬ರಂದು ಜನಿಸಿದ ಇವರು ಬಿ.ಆರ್.ಹಿಂದೂ ಶಾಲೆಯಲ್ಲಿ ಪ್ರಾಥಮಿಕ ಶಿಕ್ಷಣ,ಬೋರ್ಡ್ ಹೈಸ್ಕೂಲ್‌ನಲ್ಲಿ ಪ್ರೌಢಶಿಕ್ಷಣ, ಭಂಡಾರ್ಕಾಸ್ ಕಾಲೇಜಿನಲ್ಲಿ ಪದವಿ ಶಿಕ್ಷಣ ಪಡೆದು ಧಾರವಾಡದ ವಿವಿಯಲ್ಲಿ ಸ್ನಾತಕೋತ್ತರ ಪದವಿ ಪಡೆದಿದ್ದರು.

ಗಂಗೊಳ್ಳಿ ಎಸ್.ವಿ ಪದವಿಪೂರ್ವ ಕಾಲೇಜಿನಲ್ಲಿ ಉಪನ್ಯಾಸಕರಾಗಿ ಸೇವೆ ಸಲ್ಲಿಸಿದ್ದರು. ಭಾಷಣ, ನಾಟಕ ನಿರ್ದೇಶನ, ಅಭಿನಯ, ಅಂಕಣ ಬರಹ, ಕಥೆ ರಚನೆಯಲ್ಲಿ ತೊಡಗಿಸಿಕೊಂಡು ಪ್ರಸಿದ್ಧ ಸಾಹಿತಿಯಾಗಿ, ಮೂರು ದಶಕಗಳಿಂದ ಅಂಕಣ ಬರಹಗಾರರಾಗಿ ಗುರುತಿಸಿಕೊಂಡಿದ್ದರು. ಆಕಾಶವಾಣಿಯ ಚಿಂತನ, ಸಂಪನ್ಮೂಲ ವ್ಯಕ್ತಿಯಾಗಿದ್ದರು.

10 ಕಥೆಗಳು, ಅಪ್ರಮೇಯ, ಅನಾಮಿಕ, ಅನಿಮಿಷ, ಅರಿವಿನ ಆನಂದ, ಸಂಜೆಗತ್ತಲಲ್ಲಿ ಬಕುಳ ವೃಕ್ಷ, ಕಲ್ಪನೆಯ ಕಡಲು, ಹಳೆತಲೆಮಾರಿನವರು ಇವರ ಪ್ರಕಟಿತ ಕೃತಿಗಳು.

ಮೃತರು  ಪತ್ನಿ ಕುಸುಮಾ ಕಾರಂತ, ಪುತ್ರಿಯನ್ನು ಅಗಲಿದ್ದಾರೆ.