ವಂಡ್ಸೆ: ಶಾಲೆ ಮಕ್ಕಳಿಗೆ ಚಿಟ್ಟೆಗಳ ದರ್ಶನ

ಕುಂದಾಪುರ: ವಂಡ್ಸೆ ಸರಕಾರಿ ಮಾದರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಜ.16 ಶುಕ್ರವಾರ ಸಾಲುಮರದ ತಿಮ್ಮಕ್ಕ ಇಕೋ ಕ್ಲಬ್ ವತಿಯಿಂದ, ಶಾಲಾ ಮಕ್ಕಳಿಗೆ, ಚಿಟ್ಟೆಗಳ ತಜ್ಞರಾದ ಸಮ್ಮಿಲನ ಶೆಟ್ಟಿ ಅವರು ಚಿಟ್ಟೆಗಳ ಜೀವನಚಕ್ರ ಹಾಗೂ ಅವುಗಳ ಆಹಾರ ಕ್ರಮದ ಬಗ್ಗೆ ಸವಿವರವಾಗಿ ತಿಳಿಸಿಕೊಟ್ಟರು.

ಮಕ್ಕಳಿಗೆ ಪರಿಸರದ ಗಿಡ ಮರಗಳಲ್ಲಿ ಇರುವ ಚಿಟ್ಟೆಗಳು ಹಾಗೂ ಅವುಗಳ ಮೊಟ್ಟೆಗಳನ್ನು ಪ್ರಾತ್ಯಕ್ಷಿಕವಾಗಿ ತೋರಿಸಿಕೊಟ್ಟರು. ಈ ಸಂದರ್ಭದಲ್ಲಿ ಶಾಲಾ ಮುಖ್ಯೋಪಾಧ್ಯಾಯರಾದ ಶಂಕರ, ಹಾಗೂ ಅಧ್ಯಾಪಕ ವೃಂದದವರು ಉಪಸ್ಥಿತರಿದ್ದರು.