ಬ್ರಹ್ಮಶ್ರೀ ನಾರಾಯಣ ಗುರು ಮಹಿಳಾ ಸಹಕಾರ ಸಂಘದ ಮಹಾಸಭೆ

ಗಂಗೊಳ್ಳಿ: ಬ್ರಹ್ಮಶ್ರೀ ನಾರಾಯಣ ಗುರು ಮಹಿಳಾ ಸಹಕಾರ ಸಂಘ ನಿಯಮಿತ ಗಂಗೊಳ್ಳಿ, ಇದರ ೨೦೨೪ – ೨೫ ನೇ ಸಾಲಿನ ವಾರ್ಷಿಕ ಸರ್ವ ಸದಸ್ಯರ ಸಾಮಾನ್ಯ ಸಭೆ  ಶ್ರೀ ವೀರೇಶ್ವರ ಮಾಂಗಲ್ಯ ಮಂದಿರ ಗಂಗೊಳ್ಳಿಯಲ್ಲಿ ಸಹಕಾರಿ ಸಂಘದ ಅಧ್ಯಕ್ಷರಾದ ಲೀಲಾವತಿ ಪೂಜಾರಿ ಇವರ ಅಧ್ಯಕ್ಷತೆಯಲ್ಲಿ ಜರುಗಿತು.

ಅಧ್ಯಕ್ಷೀಯ ಮಾತುಗಳನ್ನಾಡಿದ ಇವರು ಸಂಘವು ವರದಿ ವರ್ಷದಲ್ಲಿ ಉತ್ತಮವಾದ ಲಾಭಗಳಿಸಿದ್ದು ಸಹಕಾರಿ ಇಲಾಖೆಯ ಮಾರ್ಗದರ್ಶನ,ನಮ್ಮ ಸಹಕಾರಿ ಸಂಘದ ಸದಸ್ಯರ ಸಹಕಾರ, ಸಿಬ್ಬಂದಿಗಳ ಕಾರ್ಯದಕ್ಷತೆ ಮತ್ತು ಆಡಳಿತ ಮಂಡಳಿಯ ಉತ್ತಮವಾದ ಸಲಹೆ ಇಂದ ಸಂಘವು ಉತ್ತಮ ಬೆಳವಣಿಗೆ ಕಾಣುವಂತಾಗಿದೆ ಎಂದು ಹೇಳಿದರು. ಸಭೆಯಲ್ಲಿ ಉಪಾಧ್ಯಕ್ಷರಾದ ಗೌರಿ ಅಣ್ಣಪ್ಪ ಬಿಲ್ಲವ, ನಿರ್ದೇಶಕರಾದ ರಾಧ ಗೋಪಾಲ್, ಸುಶೀಲ ನಾರಾಯಣ್, ಶೋಭಾ ಕೃಷ್ಣ, ವಸಂತಿ ಮುತ್ತು ಕುಂದರ್, ಕಮಲ ಎಸ್ ಜತ್ತನ್, ಲೀಲಾವತಿ ಎಸ್ ಜತ್ತನ್, ಲಲಿತ ವಿಶ್ವೇಶ್ವರ, ವನಜ ಸಂಜೀವ ಉಪಸ್ಥಿತರಿದ್ದರು.

ಮುಖ್ಯ ಕಾರ್ಯನಿರ್ವಣಾಧಿಕಾರಿ ಅನಿಲ್ ಪೂಜಾರಿ ೨೦೨೪ ೨೫ ನೇ ಸಾಲಿನ ವಾರ್ಷಿಕ ವರದಿ ಮತ್ತು ಲೆಕ್ಕಪತ್ರ ಮಂಡಿಸಿ ಕಾರ್ಯಕ್ರಮ ನಿರೂಪಿಸಿದರು, ಸಂಘದ ಸಿಬ್ಬಂದಿ ರಾಘವೇಂದ್ರ ಪೂಜಾರಿ ಸ್ವಾಗತಿಸಿ, ಸಂಘದ ಸಿಬ್ಬಂದಿ ಜ್ಯೋತಿ ವಂದಿಸಿದರು