ಆ.24ರಂದು ವಂಡ್ಸೆಯಲ್ಲಿ ‘ಯಕ್ಷಹೆಜ್ಜೆ’ ಅದ್ದೂರಿಯ ಯಕ್ಷಗಾನ | ಜನ್ಸಾಲೆ-ಪಟ್ಲ ಗಾನ ಸಾರಥ್ಯ | ಪಾರಿಜಾತ-ಯಾಜ್ಞಸೇನೆ

ಕುಂದಾಪುರ: ಆಶೀರ್ವಾದ್ ಫ್ರೆಂಡ್ಸ್ ಅಬ್ಬಿ ಹರವರಿ, ವಂಡ್ಸೆ ಇವರ ಆಯೋಜನೆಯಲ್ಲಿ ಯಕ್ಷ ರಾಘವ ಜನ್ಸಾಲೆ ಪ್ರತಿಷ್ಟಾನ ಹಾಗೂ ತೆಂಕು-ಬಡಗು ಸುಪ್ರಸಿದ್ಧ ಕಲಾವಿದರ ಕೂಡುವಿಕೆಯಲ್ಲಿ ಬಡಗುತಿಟ್ಟಿನ ಪ್ರಸಿದ್ಧ ಭಾಗವತ ಜನ್ಸಾಲೆ ರಾಘವೇಂದ್ರ ಆಚಾರ್ಯ ಹಾಗೂ ತೆಂಕುತಿಟ್ಟಿನ ಪ್ರಸಿದ್ಧ ಭಾಗವತ ಪಟ್ಲ ಸತೀಶ ಶೆಟ್ಟಿ ಇವರ ಸಾರಥ್ಯದಲ್ಲಿ ಯಕ್ಷ ಹೆಜ್ಜೆ ವಂಡ್ಸೆ ಉಪಾಧ್ಯಾಯರ ಗದ್ದೆಯಲ್ಲಿ ಆಗಸ್ಟ್ 24 ರವಿವಾರ ಸಂಜೆ 4 ಗಂಟೆಯಿಂದ ಪಾರಿಜಾತ-ಯಾಜ್ಞಸೇನೆ ಎನ್ನುವ ಪ್ರಸಂಗದ ಅದ್ದೂರಿಯ ಪ್ರದರ್ಶನ ನಡೆಯಲಿದೆ.

ಪಾರಿಜಾತ ಪ್ರಸಂಗದಲ್ಲಿ ಭಾಗವತರು- ಪ್ರಸನ್ನ ಭಟ್ ಬಾಳ್ಕಲ್, ಮಧುಕರ ಹೆಗಡೆ, ಮದ್ದಳೆಯಲ್ಲಿ ಪರಮೇಶ್ವರ ಭಂಡಾರಿ ಕರ್ಕಿ, ಚಂಡೆಯಲ್ಲಿ ಶಿವಾನಂದ ಕೋಟ ಸಾಥ್ ನೀಡಲಿದ್ದಾರೆ.

ಪಾತ್ರವರ್ಗದಲ್ಲಿ ಶ್ರೀಕೃಷ್ಣನಾಗಿ ಕಡಬಾಳ ಉದಯ ಹೆಗಡೆ, ನರಕಾಸುರ-ತೊಂಬಟ್ಟು ವಿಶ್ವನಾಥ ಆಚಾರ್ಯ, ಸತ್ಯಭಾಮೆ-ಸುಧೀರ್ ಉಪ್ಪೂರು, ದೇವೇಂದ್ರ-ಕಾರ್ತಿಕ್ ಕೆ.ಜಿ., ನಾರದ-ಪುರಂದರ ಮೂಡ್ಕಣಿ, ಸಖ-ರವೀಂದ್ರ ದೇವಾಡಿಗ ಕಮಲಶಿಲೆ, ಸಖಿ-ಹೆಂಗವಳ್ಳಿ ಪಾತ್ರ ನಿರ್ವಹಿಸಲಿದ್ದಾರೆ.

ಯಾಜ್ಞಸೇನೆ ಪ್ರಸಂಗದಲ್ಲಿ ತೆಂಕುxಬಡಗು ಸಂಯೋಜನೆಯಲ್ಲಿ ವಿಶಿಷ್ಟವಾಗಿ ಮೂಡಿ ಬರಲಿದೆ. ಉಭಯ ತಿಟ್ಟುಗಳ ಬಹುಬೇಡಿಕೆಯ ಭಾಗವತರುಗಳ ಗಾನ ಸಾರಥ್ಯದಲ್ಲಿ ರಂಗದ ಬಿಸಿ ಏರಲಿದೆ. ಹಿಮ್ಮೇಳದಲ್ಲಿ ಭಾಗವತರು-ಜನ್ಸಾಲೆ ರಾಘವೇಂದ್ರ ಆಚಾರ್ಯ, ಪಟ್ಲ ಸತೀಶ್ ಶೆಟ್ಟಿ, ಮದ್ದಳೆಯಲ್ಲಿ ಶಶಾಂಕ್ ಆಚಾರ್ಯ, ಗುರುಪ್ರಸಾದ್, ಚಂಡೆಯಲ್ಲಿ ಪ್ರಜ್ವಲ್ ಮುಂಡಾಡಿ, ಕೌಶಿಕ್ ರಾವ್ ಪುತ್ತಿಗೆ ಸಾಥ್ ನೀಡಲಿದ್ದಾರೆ.

ಪಾತ್ರವರ್ಗದಲ್ಲಿ ಅರ್ಜುನ-ಜಲವಳ್ಳಿ ವಿದ್ಯಾದರ ರಾವ್, ಭೀಮ-ಸುಬ್ರಾಯ ಹೊಳ್ಳ ಕಾಸರಗೋಡು, ದ್ರೌಪದಿ-ಯಲಗುಪ್ಪ ಸುಬ್ರಹ್ಮಣ್ಯ ಹೆಗಡೆ, ಸೌಭದ್ರೆ-ನೀಲ್ಕೊಡು ಶಂಕರ ಹೆಗಡೆ, ಕೃಷ್ಣ-ವಿಶ್ವನಾಥ ಹೆನ್ನಾಬೈಲು, ಮನ್ಮಥ-ಕಣ್ಣಿಮನೆ, ಬಲರಾಮ-ಮಾಗೋಡು, ನಾರದ ಮೂಡ್ಕಣಿ, ಈಶ್ವರ-ಮರಾಠೆ, ಪಾರ್ವತಿ-ಪುರುಷೊತ್ತಮ ಸಾಗರ ಕಾಣಿಸಿಕೊಳ್ಳಲಿದ್ದಾರೆ.

ಕಲಾಭಿಮಾನಿಗಳಿಗೆ ಮುಕ್ತ ಪ್ರವೇಶವಿದ್ದು ಮಳೆಗಾಲದಲ್ಲಿ ಬಹುಬೇಡಿಕೆಯ ಕಲಾವಿದರ ಕೂಡುವಿಕೆಯಲ್ಲಿ ಅದ್ದೂರಿಯ ಯಕ್ಷಹೆಜ್ಜೆಗೆ ಅಣಿಯಾಗುತ್ತಿದ್ದೇವೆ. ಕಲಾಭಿಮಾನಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸುವಂತೆ ಸಂಘಟಕರಾದ ಮಹೇಶ್ ಗಾಣಿಗ, ವಿಜಯ್ ಪೂಜಾರಿ, ಸಂದೀಪ್ ಪೂಜಾರಿ ತಿಳಿಸಿದ್ದಾರೆ.