ಯಕ್ಷ ಕಲಾರಾಧಕ ಮಂಜುನಾಥ ಶೆಟ್ಟಿಗಾರ್ ನಿಧನ

ಕುಂದಾಪುರ: ಯಕ್ಷಗಾನ ಕಲಾರಾಧಕ, ಕೋಟೇಶ್ವರ ಬೀಜಾಡಿಯ ಮಂಜುನಾಥ ಶೆಟ್ಟಿಗಾರ (75 ವರ್ಷ) ಮೇ 28ರ ಬೆಳಿಗ್ಗೆ ಹೃದಯಾಘಾತದಿಂದ ನಿಧನರಾದರು.

ಮಂಜುನಾಥ ಶೆಟ್ಟಿಗಾರ್ ಅವರು ಸತತ 38 ವರ್ಷಗಳ ಪರ್ಯಂತ ನಿರಂತರ ಸೌಕೂರು ಮೇಳದ ಯಕ್ಷಗಾನ ಪ್ರದರ್ಶವನ್ನು ಮಾಡಿಸಿದ್ದರು. ಪ್ರತಿ ಯಕ್ಷಗಾನ ಸೇವೆಯಂದು ಸಾರ್ವಜನಿಕ ಅನ್ನಸಂತರ್ಪಣೆ, ನೂರಾರು ಕಲಾವಿದರನ್ನು ಸ್ಥಳೀಯ ಪ್ರತಿಭೆಗಳನ್ನು ಗುರುತಿಸಿ, ಸನ್ಮಾನಿಸಿ, ಗೌರವಿಸುತ್ತಿದ್ದರು.

ಮೃತರು ಪತ್ನಿ, ಮೂವರು ಪುತ್ರರು, ಸೊಸೆಯಂದಿರು, ಮೊಮ್ಮಕ್ಕಳನ್ನು ಅಗಲಿದ್ದಾರೆ.